MIRILUNGGU 110 - DEENA BAIBÉL (BSI)

Ruutum Delokke Bíkke Ulnam Roje

¹ Ruutum, ngokke Ruutum me poto, “Nokke miruem nokke ale rumkílo mekuma tetengem ngokke lakbíkdanso duupolangka.”

² Jayon loge Ruutum nokke roja ralnamem bojémoyé. “Nokke miru kídí teyolo yébomlangka,” emla bí podung.

³ Nokke miru kídíem mimak imínsudo longelo, rokomlokke tangar kísape nokke amikídíe agíem bisula, nokke yaamé kídíe deena díítelo nokkíng aayé.

⁴ Ruutum bí pébisula sim angupe iyimayé emdola pokai, “No Melkijedekke méélamlo miri adongem duuyargeyé.”

⁵ Ruutum bí nokke lakbíklo duudung; edílo bí maryédí rojakídíem monpityé.

⁶ Bí mipak takamem bisaryéku, mimak iko amonglo ami simangem bíísétmoyé. Bí tani gíída sokke rojakídíem monpityé.

⁷ Rojade bene sirulok asi tííyé delo ralmosuyé, bí ikumyé dada.