MIRILUNGGU 11 - DEENA BAIBÉL (BSI)

Ruutum lo Míídasuname

¹ Ruutum kelo ngo duusi gedung; nolu kape kísa ngom, “Pettang kísape díítelo yopge kala,” emkane.

² Kaalangka, atímana mirul kídíe agí agí iyyi epugem laasula kaamo ruruklo aina amikídíem apdope ruubomdung!

³ Atí takamem angukonpe itomílo aina amie ingkuem iyén?

⁴ Ruutum bí bíkke deena Kumkeng Ekumlo dung; bíkke umkéye teyong amolo dung. Bí rego takamlok amiem kaala delokke bulu ingkuem idudí dem kéndung.

⁵ Ruutum bí ainem lang aimangem ikaadung, írmí-ormo inakídíem bí bíkke tabung aapílok akdung.

⁶ Atímana amikídí teyolo bí eme líídorem pedongpe olíkmoyé; bí pamkina asarlok bulum irééyé.

⁷ Ruutum bí aine delokke aina agérem mííne; séko bulu dem idudí bulu bím kaarík suyéku.