MIRILUNGGU 101 - DEENA BAIBÉL (BSI)

Rojake Pébisuname

¹ Ngok míída sunam emlang jonnamem, Ruutum nokkíng rínggeyé.

² Aro bedadem ngo mínggap bomyé, edílo no ngokkíng aayéne?

³ Aro aapíem gela ngo ngokke ekumlo duuyé; delokke edílote atímanem ngo dongge lamang. Ngo Shédí kelokke mooteng kunam agérdem akdung, ngo dekedelo ibosupenam atí kamang.

⁴ Miru aapíde ngokke lokke mooteyé; ngo atímanalo gyabbo sumayé.

⁵ Agí kumríem aralo lugenadem ngo nyotyé. Míngkímsuna delokke adum-alena amidem ngo asoope kaalímang.

⁶ Shédíme míngkesuna kídí demmin ngo tolíkdune, delokke ngokke dungkolo bulum duuboyé, lupe gépenam kamarupe yéna demmin ngom iguldope meyéne.

⁷ Mííru mínggona amide ngokke ekumlo duulamang; mena yadna amide ngokke keralo duulamang.

⁸ Ngoluke amoso duuna mirul amiem loodíke ngo petpakyé; Ruutumke doolulok ngo atímape ina ami takamem monpakyéku.