MIRILUNGGU 1 - DEENA BAIBÉL (BSI)

KITAB AKONE ( Miri 1—41 ) Aro Ashénge

¹ Atímana amikídí agomlok gímana, demangkom paabna kídílokke adulok, demangkom Shédíke kaabang manam kídílo yémín gemana kídíde gérne.

² Idola bíkke ashéng bomnamde Ruutumke dormo Ayonde, delokke bíkke ayonem bí longe yohpe míítídung.

³ Bí asi korong ampenglo saana, moodí moodílo ayé ééna delokke anne yaying ayarna esing kísane. Bíkke inam saanam takamlo igamdung.

⁴ Idola atímana kídíde dekepe imang! Bulu asarlok yabbomnam amyang kísane.

⁵ Delok legape paabna kídíem Shédí bí mepakyé delokke, Shédíke agí amilokke bulum lengusuyé.

⁶ kapeila Ruutum bí amikídí lokke legangem kénbidung, idakkom atímana kídíde agísue nyokpeko bedalo dung.