MATI 1 - DEENA BAIBÉL (BSI)

Jisu Kristoke Abu Odonge

¹ Si Abraham kelok lenna, Dabid ke otíng, Jisu Kristoke abu odonge.

² Abraham bí Isaakke abue, Isaak bí Jakobke abue, Jakob bí Judah kelang bíkke bíro kídí lok Abue,

³ Judah bí Perej kelang Jerahke abue, (Bínyike anede Tamar), Perej bí Hejronke abue, Hejron bí Ramke Abue,

⁴ Ram bí Amminadabke abue, Amminadab bí Nahshonke abue, Nahshon bí Salmonke abue,

⁵ Salmon bí Boajke abue, (bíkke anede Rahab), Boaj bí Obedke abue, bíkke anede Ruth, Obed bí Jesseke abue.

⁶ Delokke Jesse bí Dabid rojake abue. Dabid bí Solomonke abue, bíkke anede Uriahke méngíai,

⁷ Solomon bí Rehoboamke abue, Rehoboam bí Abijahke abue, Abijah bí Asake abue,

⁸ Asa bí Jehoshaphatke abue, Jehoshaphat bí Joramke abue, Joram bí Ujjiahke abue,

⁹ Ujjiah bí Jothamke abue, Jotham bí Ahajke abue, Ahaj bí Hejekiahke abue,

¹⁰ Hejekiah bí Manassehke abue, Manasseh bí Ammonke abue, Ammon bí Josiahke abue,

¹¹ Delokke Josiah bí Jekonia kelang bíkke bíro kídíke abue, de Babilon lo bomnyok dokue.

¹² Babilon lo bomnyok rongkuem Jekoniah bí Shieltielke abue, Shieltiel bí Jerubabelke abue,

¹³ Jerubabel bí Abiudke abue, Abiud bí Eliakimke abue, Eliakim bí Ajorke abue,

¹⁴ Ajor bí Jadokke abue, Jadok bí Akimke abue, Akim bí Eliudke Abue,

¹⁵ Eliud bí Eliajarke abue, Eliajar bí Mathanke abue, Mathan bí Jakobke abue,

¹⁶ delokke Jakob bí Jisume ona, Marike milo, Josephke abue.

¹⁷ Depe iname Abraham kelokke ila Dabid kelope, milo siirum íying kolang appiko. Dabid kelokke ila Babilon lo bomnyok dokulope milo siirum íying kolang appiko, delokke bomnyok doku lokke ila Kristo kelope milo siirum íying kolang appiko kato.

Jisu Kristome Ogange

¹⁸ Sike pemin Jisu Kristome ogange ikane: Bíkke ane Marime mimepe Joseph kíng tatbitungai, idola bínyi milo méng ibo sumang adape, bím Deena aid lok koo gedope ito.

¹⁹ Bíkke milo Joseph bí deena amipe ila repesinying keralo ngilkang mopemang emla, ami kénmang adape mekupe emla mííto.

²⁰ Bíkke dekepe mííla duudungem, Ruutumke teyong kotoki kone immanglo ríksula bím sikepe poto, “Dabidke oo Joseph, Marime nokke méépe bompenamem peso mapeka, kapeila bíkke oo genamde Deena Aid lokke min.

²¹ Bí koo dem milokope oyé delo bíkke amínem Jisu emlangka, kapeila bí agí amiem buluke paab kídí lokke mopítyé”.

²² Si tabusi Ruutum ke kaaluna mirí lok ponam takam em iyin nape emla ikai.

²³ “De mimum de oo gela oodem milo kope oyé delo amie bíkke amínem Immanuel emyé”, (Depe emnamde “Ngolukíng Shédí bí duusudung”).

²⁴ Joseph bí darngo suyékudem, bím teyong kotoki delokke pokampe bí ito, delokke ekumlo méépe Marime langaato.

²⁵ Depe idokom oodem olendo delokai bím ketbo sumape ito. Oo delokke amínem bí Jisu emto.