JOSHUA 15 - DEENA BAIBÉL (BSI)

Judah Opínem Panbiname

¹ Judah opíne, pínmík-ramíkpe rumkíng so atnam asi-among kídí sim paato: Buluke sokko rísude, Edom lokke rísu duuríklo kana yépol mooruk Jin among lokke sokkoyalum loope iríto.

² Si sokko rísue Sina Siyéng lokke sokko duurílok ila,

³ Akrabbim yiibe rumkílok gílangala Jin loope ilíkto. Delokke de Hejron em patlangala, Kadesh Barnea lokke sokko danlok ilangala, Addar lope delokke de Karkape billangkula,

⁴ Ajmonlo ilíkla Ijipt among rísu lokke roojik ruubung kíng ilangala, korong delokke olíkkuko, Among Raadang Siyéng loope irí líkto.

⁵ Buluke sanggo rísude, Sina Siyéng abuude ilangala, Jordan korongke olíkkuko loope iríto. Buluke línggíng rísude Jordanke olíkko Sina Siyéng duurí lok ila,

⁶ Beth Hoglah loope, delokke de línggíngpe saalangkula, Jordan yiibem kaatoksuko gíípong Beth Arabah loope, delokke de saalang kula Bohanke Líísik díínam loope ito. (Bohan bí Reubenke oo konkuai.)

⁷ Delokke rísude Akhor Yiibe lok saalang kula Debir loope. Delokke de yiibe delokke sokko danem geríksuna, Adummim gééjongdem dakrík sukuna Gilgal loope. Delokrongem de gílang kula Enshemeshke asi kídí emko delok ilangkula Enrogel rísu delo paddoku.

⁸ Delokke de Jebus kídíke doolung, emnamde Jirusalemke sokkodan yiibe delokke Ben Hinnom yiibe delok saatoku. Delok rongem Rephaim yiibeke línggíng duurík delokke Hinnom yiibeke anggodanlo duuna díítumpe rísude saatoku.

⁹ Díítum teyong delokke rísude Nephtoah korong buksipe toklangkula, Ephron díítum ayirke doolung kídílo pattoku. Depe patrongkuem de toklang kula Kiriath Jearim emlate mínnam Baalahpe toktoku.

¹⁰ Depe irodem de gerlangkula, Baalah lokke Seir díítumpe itoku. Depe ilangala de línggíngdan Jearim díítum yiibepe, emnamde Kesalonpe gílangkula Beth Shemeshpe oitoku. Depe oilangkula Timnahpe rísude gítoku.

¹¹ Delokrongem de Ekronke línggíng yorbepe gílangkula, Shikkeronpe biltoku. Delok billangkula Baalah díítum delok boola Jamnialo pííto. Rísude Among Raadang Siyénglo irílíkto.

¹² Anggodan rísupe Among Raadang Siyéng robede ito. Sikesi Judah opín kídíke among rísu kídíe:

¹³ Joshuake teyolo Ruutumke lulígnam tuubupe, Joshuabí Jephunnehke oo Kalebme Kiriath Arba emlate mínnam Judah among lokke Hibron doolungdem panbito. Arbade migo-mimat Anakimke bukue.

¹⁴ Hibron lok Anakim amiem midum angumko Kaleb bí monpakto; dekede Sheshi, Ahiman delokke Talmai. Bulu Anakimke otíng-oyine.

¹⁵ Hibron delo duudola Kalebbí, kerape Kiriath-sepher emlate mínnam Debir doolung delokke ami kídíem mimakpe iyabomto.

¹⁶ Dekepe idodem Kalebbí sikepe agomko bisuto, “Séko amiedí Kiriath-sepherem mimak iyabomla ikumla iboyédí, dem amidem ngo, ngokke ome Akhsahme mimepe nyamran ibiyé.”

¹⁷ Kalebke bíro Kenajke oo Othniel bí doolung dem ikumla ibokolok, Kaleb bí agíke ome Akhsah me Othniel kíng mimepe bito.

¹⁸ Mimede Othnielke méngpe iyado longe dem Othniel bí bíme bíkke abulok aríkko kodope ebín-ebon manbomto. Edílo mimede gadolok reeyitodí delo bím Kaleb íngkíto, “Nok legape ngo íngkokoda ibipene?”

¹⁹ Mimede abudem poyansuto, “Ngom no ayasula atoko ipek bilangka. No ngome Negeb amongem birodem asi siirung emte bilangka.” Dekepeila Kalebbí, bíme línggíng kelang sokkoke siirungem bito.

Judahke Amonge

²⁰ Sikesi Judah opín lokke pínmík- ramíkpe panbinam asi-amonge.

²¹ Negeb amonglo Judah kídíke sokkoyalum lokke Edom among rísu danlo duuna doolung kídíe: Kabjeel, Eder, Jagur,

²² Kinah, Dimonah, Adadah,

²³ Kadesh, Hajor, Itnan,

²⁴ Jiph, Telem, Bealoth,

²⁵ Hajor, Hadattah, Kerioth, Hejron (demangke Hajor),

²⁶ Aman, Shema, Moladah,

²⁷ Hajor, Gaddah, Heshmon, Beth Pelet

²⁸ Hajar Shual, Beersheba, Bijiothiah,

²⁹ Baalah, Im, Ejem,

³⁰ Eltolad, Kesil, Hormah,

³¹ Jiklak, Madmannah, Sansannah,

³² Leboath, Silhim, Ain delokke Rimmon. Si takam si idum sula doolunge amé borope íying annyi kolang konangko kato.

³³ Anggodanke dííte leebe lokke doolung kídíe: Isthaol, Jorah, Ashnah,

³⁴ Janoa, En Gannim, Tappuah, Enam,

³⁵ Jarmuth, Adullam, Sokoh, Ajekah,

³⁶ Shaaraim, Adithaim, delokke Gederah (Sime Gederothaim emlate mandung), si tabusi idumsula doolunge amé borope íying kolang appiko kato.

³⁷ Jenan, Hadashah, Migdal, Gad,

³⁸ Dilean, Mijpah, Joktheel,

³⁹ Lasis, Bojkath, Eglon,

⁴⁰ Kabbon, Lahmam, Kitlish,

⁴¹ Gederoth, Beth-dagon, Namaah, delokke Makkedah. Si tabung si idumsula doolunge amé borope íying kolang akkéko kato.

⁴² Libnah, Ither, Ashan,

⁴³ Iptha, Ashnah, Nejib,

⁴⁴ Keilah, Akjib delokke Mareshah. Si tabung si doolung amé borope idumsula konangko kaato.

⁴⁵ Ekron delang dem dunggo bomna doolung kídíe, delokke

⁴⁶ Ekronke anggodan dei-degong kídíde.

⁴⁷ Ashdod delang dem dunggo bomna doolung kídíde delokke Gaja demlang dem dunggo bomna doolung kídíde. Sike sok teyoso, Among Raadang Siyéng robeng tabungem duuyonbomna Ijipt among lokke roojik loope duulíkna doolung amé borona tabungde.

⁴⁸ Línggíng sanggoke adi among lokke doolung kídíe: Shamir, Jattir, Sokoh,

⁴⁹ Dannah, Kiriath Sheper, (sim Debir emlate míndung)

⁵⁰ Anim,

⁵¹ Goshen, Holon delokke Giloh. Si tabung si doolunge amé borope idumsula íying kolang atelko kato.

⁵² Arab, Dumah, Ishan,

⁵³ Jenim, Beth, Tappuah, Aphekah.

⁵⁴ Humtah, Kiriath Arba (Sim Hibron emlate míndung) delokke Jior. Si tabung si doolunge amé borope idumsula konangko kato.

⁵⁵ Maon, Karmel, Jiph, Juttah,

⁵⁶ Jejreel, Jokdeam, Janoah,

⁵⁷ Kain, Gibeah delokke Timnah. Si tabung si idumsula amé borope doolung íyingko kato.

⁵⁸ Halhul, Beth-Jur, Gedor,

⁵⁹ Maarath, Beth-anoth, delokke Eltekon. Si tabung si doolung amé borope idumsula akkéko kato.

⁶⁰ Kiriath-baal, (sime Kiriath Jearim emlate míndung) delokke Rabbah. Sikesim doolung amé borope idumsula annyiko kato.

⁶¹ Yépol mooruk among lokke doolung kídíe: Beth Arabah, Middin, Sekakah,

⁶² Nibshan, Alo doolung delokke Engedi. Si tabung si doolung amé borope idumsula akkéko kaato.

⁶³ Jebus ami kídíem Judah kídíe Jirusalemlok monbín lamato. Depeila Jirusalemlo Jebus ami kídíe Judah kídílo silo meloteng lekope duubosudung.