HOSIA 3 - DEENA BAIBÉL (BSI)

Hosia lang Bíkke Loorímana Mime

¹ Ruutum bí ngome, “Gílangkula, notiipe ila akonem míítí bosuna nokke mimedem no laalang kula, nokke ayangem bím lengkan langkuka. Kapekísa Ruutum bí, angukon uyu kídílo míítí bosula, erengna onggur ayéme mimanglo ipak líkgoolate Israel kídíem ayadudí dekepe nokom, nokke mimeme ayang langkuka,” emla lulígdo.

² Depeila ngo bíme nokdi íying kolang pilngo, delokke ayagem kilogram língko kolang íying pilngoko bila relen toku.

³ Depe irong dem ngo bím poto, “No deddína longeko ngokkíng duumín gekupe aiyé. No notiipe iyikupe aimang, delokke séko kíngkom ibbo-doobo sula ikupe aimang, dekepe ngoteng nokkepe ila duuyé.”

⁴ Kapeila Israel kídíe deddína longeko roja kamape yélangkula, ruutum kaimape, ipak-saamo ikumape, delokke líímé-tagil inape mimang kumyimayé.

⁵ Depe irongem méélamlo, Israel kídíe lekoda Ruutum kíng míílat sulang kula, Ruutum buluke Shédíme mata langkula, buluke roja Dabidke otíng-oyin konem mabom yéku. Yéyindí longe kídí telo, bulu peso-ríanla Ruutum ke keralo aalangkula bíkke utepooroem paayin yéku.