1 ODONG 9 - DEENA BAIBÉL (BSI)

Umnyokko Amonglok Aalatsukuna Kídíe

¹ Israel ami takamem buluke odong akorlok kíkumla meto, delokke sim legang sim Israel lokke Roja kídíke Kitablo atkumto. Judah ami kídarem Babilonlo, buluke paab inam legape menyoklíktuai.

² Kerayalumpe luune kídí delo agíke bomnamlo dungang gekune, Israel ami kídar, miri írne kídí, Lebi kídí delo Kumkeng Ekumlo agér géryana kídíde ito.

³ Delokke Judah, Benjamin, Ephraim, delokke Manasseh lokke ami ayokone Jirusalemlo duuto:

⁴ Ammihudke oo Uthai, Ammihud Omrike ue, Omri Banike ue, Bani Judahke oo Perejke oo kone.

⁵ Delokke Shilon opínlok: Oo obíyalum Asaiah lang bíkke oo kídíe.

⁶ Jerahke oo kídílok: Jeuel lang bíkke eranglok 169 ko.

⁷ Benjamin opínlok: Meshullamke oo Sallu, Meshullam Hodabiahke ue, Hodabiah Hassenuahke ue,

⁸ Jeroham ke oo Ibneiah, Ujjike oo Elah, Ujji bí Mikrike ue, delokke Shephatiahke oo Meshullam, Shephatiahbí Reuelke ue, Reuelbí Ibnijahke ue.

⁹ Sok opín sokke 956 ko erange delo duuto. Teyongke mínnam milokong tabung si erang lokke ruutumpe yéne.

Jirusalemlo Duutuana Miri Kídíe

¹⁰ Miri kídílok: Jedaiah, Jehoiarib, Jakin,

¹¹ delo Hilkiahke oo Ajariah, Hilkiah Meshullamke ue, Meshullam Jadokke ue, Jadok Meraiothke ue, Meraioth Kumkeng Ekum lokke migom ruutum Ahitubke ue;

¹² delokke Jerohamke oo Adaiah, Adaiah Pashhurke ue, Pashhur Malkijahke ue, delokke Adielke oo Maasai, Adiel Jahjerahke ue, Jahjerah Meshullam ke ue, Meshullam Meshillemithke ue, Meshillemith Immerke ue.

¹³ Erang lok ruutumpe ina írne kídí sim sandum sula 1,760 ko kato. Bulu Kumkeng Ekum lokke agér-anamlo kénjing alongnape yéto.

Jirusalemlo Duutuana Lebi Kídíe

¹⁴ Lebi opínlok: Hasshubke oo Shemaiah, Hasshub Ajrikamke ue, Ajrikam Merarike otíng Hashabiahke ue;

¹⁵ delokke Bakbakkar, Heresh, Galal, delo Mikake oo Mattaniah, Mika Jikrike ue, Jikri Asaphke ue;

¹⁶ delokke Shemaiahke oo Obadiah, Shemaiah Galalke ue, Galal Jeduthun ke ue, delokke Asake oo Berekiah, Asa Netophah amonglo duuna Elkanahke ue.

Jirusalemlo Duutuana Eyab Dagbomna Kídíe

¹⁷ Eyab dagbomna kídare: Shallum, Akkub, Talmon, Ahiman delo buluke erang kídíe (Shallum bí buluke ruutume.)

¹⁸ Kerape Lebi kídíke dungko ekumem dagbomnam kídíde, sanggodan lokke roja aatak eyab deme buluke opín lok migul kídíe delo longe kídí deloope dagbomto.

¹⁹ Korahke oo Ebiasaphke onam Koreke oo Shallum lang Korah erang aní-bíro kídarde, buluke buku kídíe Ruutum ke notkoem dagbomnam kísape Ruutumke Tombu lok eyabem dagbomto.

²⁰ Letel yérumko Eleajarke oo Phinehas bí, Ruutum bí bíkkíng duumínla, eyab dagbomna kídí lokke ruutumpe yétuai.

²¹ Meshelemiahke oo Jekhariah teng Ruutum ke Tombu lokke lamgéem dagbomnape ito.

²² Takamem sanla eyab kídí emla lamgé kídíem dagbomna amiem 212 amiko ullentuai. Bulum oten-sirekpe buluke dungko doolunglok kíkumla meto. Roja Dabid lang kaaluna Samuel bínyi sim botteruna agér sim bulukelo bilíkto.

²³ Dekepeila, bulu lang buluke otíng-oyine Kumkeng Ekumke eyab kídíem dagbomnape ito.

²⁴ Sanggo, anggo, línggíng, sokkope ina lamgé appi delokai dagbomna kídí teyolo ruutum asak kayinto.

²⁵ Sim dagbomna kídísim, doolunglo duuna buluke aní-bíro kídare, longe kíníd-kínídpe dagrum letello, opéépe aala dagguldungai.

²⁶ Lamgé appidem dagbomna kídí lokke ruutum kídíde Lebi eke. Buluke teyolo Kumkeng Ekum delokke pírtek kídí emlang delo menam takam ekuserangem kaabom penam agére kato.

²⁷ Bulu Kumkeng Ekum ampenglo duuto, kapeila yoh rubungem kaabomla, roem lamgé kídíem sityanamde buluke agére.

Ayokon Lebi Kídíe

²⁸ Ayokon Lebi kídarlo Kumkeng Ekumlo agér gérnana peking-pesagem kaabom dope agérem bilíkto. Edílo dekedem inadudín, laalendo lolang melíkyékuem bulu airupe sanla kaabomdungai.

²⁹ Ayokon Lebi kídíem deena agérem gérnana ato kídar, atang kídar, onggur alang, olib tél, nampona nyotnam, delo mosolang kídíem kaabom dope bilíkto.

³⁰ Idokom mosolangem nyotmíkla iyélsunam agérde miri kídí keepe ito.

³¹ Korah opín lokke Shallumke oo obíng Lebi ami Mattithiah emnam bí atampe monam kék kídíem mona kídí lokke ruutume.

³² Kohath opínke aní-bíro kídarde Sabbath longe mipílo Kumkeng Ekumke deena ettíngem moyanape ito.

³³ Ayokon Lebi erang kídíe Kumkeng Ekumke miri tapungem igeboto. Sok erang kídí sokke ruutum kídare Kumkeng Ekum delokke ekum kídílo duuto, delokke bulum abídyang agérlo ilíkmato, kapeila, buluke agérde longe-yoh orek kamape ito.

³⁴ Teyong so mínnam ami kídarsi, buku kídílok sanla Lebi erang kídí lokke ruutum kídíe. Bulu Jirusalemlo duutuana yégebona kídare.

Saulke Otíng-oyine

³⁵ Jeiel bí Gibeon doolungem ilenbola delo duulíkto. Bíkke méng amíne Maakah.

³⁶ Bíkke oo obínge Abdon delo abíd oo kídíe: Jur, Kish, Baal, Ner, Nadab,

³⁷ Gedor, Ahio, Jekhariah, delo Mikloth.

³⁸ Miklothke oname Shimeah. Buluke otíng-oyin kídare, Jirusalemlo buluke opínlok abíd edung-erang ampenglo duuto.

³⁹ Ner bí Kishke abue, Kishke oname Saul. Saulke oo appiko kato: Jonathan, Malkishuah, Abinadab delo Eshbaal.

⁴⁰ Jonathanke ue Meribbaal, bíkke oname Mikah.

⁴¹ Mikahke oo kídare: Pithon, Melek, Tarea delo Ahaj.

⁴² Ahajke oname Jarah, bíkke oo angumko kato: Alemeth, Ajmabeth, delo Jimri. Jimrike oname Moja.

⁴³ Mojake oname Binea, Bineake oname Rephaiah, Rephaiahke oname Eleasah, delo Eleasahke oname Ajel.

⁴⁴ Ajel bí oo akkéko kato: Ajrikam, Bokeru, Ishmael, Sheariah, Obadiah, delo Hanam.