1 ODONG 4 - DEENA BAIBÉL (BSI)

Judahke Otíng-oyine

¹ Sikesi Judahke otíng-oyine: Perej, Hejron, Karmi, Hur, delokke Shobal.

² Shobalbí Reaiahke abue, bí Jahathke abue, delo Jahathke ue Ahumai lang Lahad. Si takam Jorah lo duuna ami kídí lokke buku kídíe.

³ Etamke oo kídíe: Jejreel, Ishma delo Idbash; Hajjelelponi buluke bírme atele.

⁴ Penuel bí Gedor doolungem ilenboto, delokke Ejerbí Hushah doolungem ilenbone. Bulu takam Ephrath ke obíng Bethlehem doolungem ilenbona Hurke oo kídíe.

⁵ Tekoa doolungem ilenbona Ashhurbí méng annyiko kato, Helah lang Naarah.

⁶ Naarah kelok bí oo appiko kato: Ahujjam, Hepher, Temeni delokke Haahashtari.

⁷ Helah kelok oo angumko kato: Jereth, Ijhar delokke Ethnan.

⁸ Kojbí Anub kela Jobebah ke abue, delokke Harum ke oo Aharhel kelok lenna opínlok bukue.

⁹ Jabej bí bíkke erang aralok airupe yidgenam amikuai; Jabej amín sim bíkke ane mínlíksuto, kapeila bím yagorupe kigedola olentuai.

¹⁰ Jabej bí Israelke Shédíme kumto, “Shédía, ngome utepooroem bitoi, delokke ngokke among simteng bojéyamotoi. Ngokkíng no yémín gela, ingkona deemane ngome kimopena loge mopíttoi.” Delo Shédíbí bíkke kumbom namem bito.

Abíd Erang Kídíe

¹¹ Shuhahke aní Kaleb bí, Mehirke abue, bí Eshtonke abue.

¹² Eshtonke oo angumko kato: Bethrapha, Paseah delokke Tehinnah. Tehinnah bí Nahash luuneme ilenbone. Buluke otíng-oyine takame Rekah amonglo duudung.

¹³ Kenajke oo annyiko kato: Othniel lang Seraiah. Othniel teng oo annyiko kato: Hathath lang Meonothai.

¹⁴ Meonothaike ue Ophrah, delokke Seraiahke ue Joab. Bí ami takame monyo-rínyo ijiina dungko, Geharashim doolungem ilenbone.

¹⁵ Jephunnehke oo Kalebbí oo angumko kato: Iru, Elah delo Naam. Delokke Elah bí Kenajke abue.

¹⁶ Jehallelelke oo appiko kato: Jiph, Jiphah, Tiria delokke Asarel.

¹⁷ Ejrahke oo appiko kato: Jether, Mered, Epher, delokke Jalon. Meredbí Pharaohke ome Bithiah me méngpe bomla omeko Miriam, delokke oo annyiko, Shammai delo Ishbahme oto. Ishbahbí Eshtemoa luune me ilenbone.

¹⁸ Mered Judah opín lokteng méngko bomla, bínyi oo angumko kabosuto: Gedor luune me ilenbona Jered; Soko doolungme ilenbona Heber; delokke Janoah doolungem ilenbona Jekuthiel.

¹⁹ Nahamke bírme me Hodiah méngpe bomto. Bínyike otíng kídíde Keilahlo duuna Garm opín delang Esthemoalo duuna Maakath opínde.

²⁰ Shimonke oo appiko kato: Amnon, Rinnah, Benhanan, delokke Tilon. Ishike oo annyiko kato: Joheth lang Benjoheth.

Shelahke Otíng-oyine

²¹ Shelahbí Judahke oo kone: Bíkke otínge Lekah doolungem ilenbona Er; Mareshah doolungem ilenbona Laadah; delokke Beth Ashbea among lokke lainen ege sumna opínpe yéna kídíde;

²² Jokim delokke Kojeba luunelo duuna ami kídíde; delokke Moab mime em méngpe bomrongem Bethlehem doolunglo duulíkna Joash lang Saraph. (Si legangsi aku along dung.)

²³ Bulu roja legape kédeng peking pínekíai, delokke Netaim lolang Gederah doolunglo duutuai.

Simeonke Otíng-oyine

²⁴ Simeonke oo pilngo ko kato: Nemuel, Jamin, Jarib, Jerah, delokke Shaul.

²⁵ Shallum bí Shaulke ue; Mibsam bí Shallumke ue, Mishma bí Mibsamke ue.

²⁶ Mishmahke oo kídare: Hammuel, bíkke ue Jakkur, bíkke ue Shimei.

²⁷ Shimei bí íying kolang akkéko ue, delokke ome akkéko kato. Idokom bíkke bíro kídarde ome-oo bojé kamato. Dekepeila, Judah ami parnam kísa Simeonke opíne parmato.

²⁸ Bulu Beersheba, Moladah, Hajar shual,

²⁹ Bilhah, Ejem, Tolad,

³⁰ Bethuel, Hormah, Jiklak,

³¹ Beth Markaboth, Hajarsusim, Bethbiri, delo Shaaraim doolung kídílo, Dabidke roja dobodoku deloope duuto.

³² Delokke bulu abídkon doolung pilngo soteng duuto: Etam, Ain, Rimmon, Tokhen, delokke Ashanlo,

³³ delokke bulum dunggobomna doolung sokko-anggoke Baalath doolung loope. Sikesi buluke dungko kídíe, delokke bulu edung erang lenko-angko dooying emteng atkumla meto.

³⁴ Meshobab, Jamlek, Amajiahke oo Joshah,

³⁵ Joel, Joshibiah ke oo Jehu, Seraiahke oo, Asielke oo

³⁶ Elioenai, Jaakobah, Jeshohaiah, Asaiah, Adiel, Jesimiel, Benaiah,

³⁷ Shiphike oo Jija, Allonke oo, Jedaiahke oo, Shimrike oo Shemaiahke oo:

³⁸ si amín mínnam kídísi buluke erang lokke miro kídíe, buluke edung-erange bojérupe parlento.

³⁹ Dekepeila, bulu Gedor among píítape, anggodanlo magoola, luune delokke sanggodan yiibelo, buluke bomnam mérem, nesi-neyang dogooboto.

⁴⁰ Bulu amongdem ardarupe nesi-neyang kala, moobyangla, rorila delokke eetet rungko kope kato. Ham ami kídíe kerape deme duubomtuai.

⁴¹ Teyongke amín mínnam ami kídísi Judah roja Hejekiahke yédo delo Gedorlo aala buluke tombu kídíem, pabík ekum kídarem bénpak bigeyéla mon-gééto. Dekepe igeyéla buluke dungkolo aana kídíde duuyarlíkto, legade buluke bomnam mér legape neyange delo alummato.

⁴² Simeonke opínlok abíd língko pilngoko amie Seir Díítumpe gíto. Bulume Ishike oo kídare gíboto. Gíbone: Pelatiah, Neariah, Rephaiah, delokke Ujjiel.

⁴³ Delo bulu motursula duunyokna Amalek ami kídíem petyinto. Dekepe bulu dungangla, silo-melo peteng delo duudung.