1 ODONG 24 - DEENA BAIBÉL (BSI)

Miri Kídíem Agér Panlíkname

¹ Sikesi Aaronke otíng kídílok leeríng kídíe: Aaronke oo appiko kato: Nadab, Abihu, Eleajar, delo Ithamar.

² Nadab lang Abihu ome-oo kamape buluke abu simang adape sikai, dekepeila bínyike bíro Eleajar lang Ithamar bínyi miripe ito.

³ Dabid rojabí Aaronke otíng kídíem bulum parlíknam agér akorlok opéé-opéépe idumsuto. So agér so bíme Eleajarke oo Jadok lang Ithamarke oo Ahimelek bínyi igulto.

⁴ Ithamarke oo kídar empemílo Eleajarke oo aranglok bojéyape ruutumpe ine kala, Eliejarke oo kídarem íying kolang akké erang ruutum aralo, delokke Ithamarke oo kídarem píínyi erang ruutum aralo idumsulíkto.

⁵ Eleajar kelang Ithamar bínyikekai otínge Kumkeng Ekum delo kaabomna ruutum pelang Shédíke yétaem igebona ruutumpe kala, ipenamem lotori sola ipansuto.

⁶ Eleajar kelang Ithamarke otíng kídíde akon méélamlo akone ila lotoriem sobosuto. Dekepe solennam deme Lebi kídíke atgebonakon, Nethanelke oo Shemaiah bí atkum boto. Roja delang bík ruutum kídíde, miri Jadok, Abiatharke oo Ahimelek, delokke miri erang kídí kelang Lebi erang lok ruutum kídíde hakiipe duuto.

^7-18 Si lotori sola íying annyi kolang appi eranglo agér sanpan sulíkname: 1. Jehoiarib 2. Jedaiah 3. Harim 4. Seorim 5. Malkhijah 6. Mijamin 7. Hakkoj 8. Abijah 9. Jeshua 10. Shekaniah 11. Eliashib 12. Jakim 13. Huppah 14. Jeshebeab 15. Bilgah 16. Immer 17. Hejir 18. Happijjej 19. Pethahiah 20. Jehejkel 21. Jakhin 22. Gamul 23. Delaiah 24. Maajiah

¹⁹ Sim ami kídar sim buluke Kumkeng Ekumlo gíla, Ruutum Israelke Shédíke lulígnamem buluke buku Aaronke igela idong ilíknamem idope parlíknam agér akorlok amínem atlíkto.

Abíd Lebi Kídíe

²⁰ Sikesi Lebike otíng lokke abíd erang kídílok ruutum kídíe: Amramke otíngkon Shebuelke oo Jehdeiah;

²¹ Rehabiahke otíng Isshiah;

²² Ijharke otíngkon Shelomith ke oo Jahath;

²³ Hebronke oo kídare, bulume okorlok, Jeriah, Amariah, Jehajiel delo Jekameam;

²⁴ Ujjielke otíng Mikahke oo Shamir;

²⁵ Ujjielke otíng, Mikahke bíro Isshiahke oo Jekhariah;

²⁶ Merarike otíng kídare, Mahli, Mushi, delo Jaajiah;

²⁷ Jaajiahke oo angumko kato: Shoham, Jakkur delokke Ibri.

²⁸ Mahlike oo annyiko kato: Eleajar lang Kish. Eleajar bí oo kamang,

²⁹ idola Kishke Jerahmeel emnam oo atelko kato.

³⁰ Mushike oo angumko kato: Mahli, Eder delo Jeremoth. Sikesi Lebi kídíke erang kídíe.

³¹ Erang miyong lokke ruutum delang bík aní kídílok akone, buluke edung-erang Aaronke otínglok miri kídílok inam kísapakpe, lotori sola agérem parlík bosuto. Dabid roja, Jadok, Ahimelek, delokke miri kelang Lebi erang kídílok ruutum kídíe delok hakiipe ito.