1 ODONG 14 - DEENA BAIBÉL (BSI)Jirusalemlo Dabidke Inam Kídíe ( 2 Sam 5:11-16 ) 1 Tur lok roja Hiram bí Dabid kelo kotokieke melíkla, bíme bí sidar esinglok, líísak pínalok, delo esing mistri kídíeke bíme ekumko mobidope melíkto. 2 Dekepe ila delo Dabid, Ruutum bí bíme Israel lokke rojape imokai, delokke bíkke among yétaem bík amisu legape edíí-sirí modung emla kénsukai. 3 Jirusalemlo Dabid bí bojéko méngem laatemla ome-oo bojéko otoku. 4 Jirusalemlo onam ome-oo amín kídare: Shammua, Shobab, Nathan, Solomon, 5 Ibhar, Elishua, Elpelet, 6 Nogah, Nepheg, Japhia, 7 Elishama, Beeliada, delo Eliphelet. Philistain Kídíem Ikumname ( 2 Sam 5:17-25 ) 8 Edílo Dabidme Israel among takam lokke rojape imonamem Philistain ami kídare tattodín delo Philistain maglíngde bíme umpe gílento. Dekepeila, Dabid deme tatla, bulume imínsupe gílento. 9 Philistain kídarde Rephaim Yiibelo pííla líílento. 10 Dabid Shédíme tatkísuto, “Ngo Philistain kídí sim mimakpe aabom míloya? No ngome ikummoyédí?” Delo Ruutum bí bím poyansuto, “Gílangka, ngo nome ikum moyé.” 11 Dekepeila Dabid bí bulum Baal Perajimlo mimak imínsula ikumto. Dabid poto, “Puumue pupaknam kísa ngokke alaglok miru kídarem Shédí bí ikum moto.” Sok legape among delokke amínem Baal Perajim emlíkto. 12 Edílo Philistain kídare duggetokudín, delo buluke uyu mimang kídíem mesuto, delokke dem tabung Dabid bí lulígla emepe rompakto. 13 Depeirong deloteng Philistain kídare yiibe delo aalat sulangkula língaa bomtokukéng. 14 Lekokuda Dabid bí íngkí sulangkula Shédíbí bíme poyansuto, “No bulume so duudola imín sumapeka; idola Balsam esing kídí ampeng arotkon delo bildolangkula bulum imínsupe irusutoka. 15 Delo edílo no Balsam esing kídí teyong delo gídudem tatyédín, delo mimak dem maga bomtoka. Kapeila, ngo nokke keralo Philistain kídarem petpakpe gígeyé.” 16 Shédíke lulíknampe Dabid bí ila, Gibeon lokke Gejer among loope Philistain kídarem petyinto. 17 Dekepe ikolok Dabidke amínem moole mipíe kénkai, delokke Ruutum bí among tabunge Dabidme pesodope imoto. |
Adi (Re-edited) Bible - Deena Baibél
Copyright © Bible Society of India, 2012.
Used by permission. All rights reserved worldwide.
Bible Society of India