Nehemaya 11 - Ạḍinya Iigbia

Awe phọ orugh bọ sịphe Jeruselem

¹ Abuḍiemiom mọ urugh Jeruselem, kụ ạbueri phọ awe phọ ụsa ghan ẹlhel kụ ọsaḅar ghan eniin eghunotu esi aḍioph dị kotugh aani aJeruselem ẹmha iigbia phọ, kụ ạbueri phọ kotugh ịbam rꞌigbogh ạramha phọ.

² Awe phọ ụseph ni tọrobo oye lọ ẹḅeeraan ọghi orugh aani sịphe Jeruselem.

³ Sịphe ịpheri phọ ịbam rꞌigbogh ạramha phọ, awe phọ Ịzirel, ariil ạrikia, ạbuo aLivai, ạbuo iiḍighi Otu phọ rꞌạbuo ẹemara ẹemara abutelhedom ạSolomon phọ, urugh riisi rꞌạramha dị eḍighi ịlo ạbidi. Ḍịen kụ ạḍikool asiḍien ikpolom awe eelhe aJuda dị orugh bọ sịphe Jeruselem.

⁴ Ạbuo eghun aJuda: Ataya, ọony Uzaya rꞌọony ọony ạZekaraya. Ạbunon oghiil ọdi ạbuen phọ: Amaraya, Sefataya rꞌạMahalalel, ạnmuny ạnmuny ọony aJuda dị oghol mọ ạPerez.

⁵ Maaseya, ọony aBaruk rꞌọony aKol Hoze. Ạbunon oghiil ọdi ạbuen phọ: Hazaya, Adaya, Joyarib rꞌạZekaraya, ạnmuny ạnmuny ọony aJuda dị oghol mọ Sela.

⁶ Esi ạnmuny ạnmuny ạPerez, inya okuron odiinydi rꞌọphaanya ikpolom awe kụ urugh sịphe Jeruselem.

⁷ Ạbuo eghun ạBenjamin: Salu, ọony aMesulam rꞌọony ọony aJoed. Ạbunon oghiil ọdi ạbuen phọ: Pedaya, Kolaya, Maaseya, Ịtiel rꞌaJesaya.

⁸ Gabai rꞌaSalai, asiya aSalu dị ị́kelan. Esi ookpomoghi, esugha okuron ịyaldi rꞌọphaanya awe ạBenjamin urugh ni sịphe Jeruselem.

⁹ AJoel ọony aZikri kụ oḍiemiom ạbidi, kụ aJuda ọony aHasenua kụ otum ogbogh oye sịphe ẹmha phọ.

¹⁰ Ariil ạrikia: Jedaya, ọony aJoyarib, rꞌaJakin.

¹¹ Seraya, ọony ạHilkaya rꞌọony ọony aMesulam. Ạbunon oghiil ọdi ạbuen phọ: Zẹdok, Merayot rꞌAhitub ogbogh oyil ạrikia phọ.

¹² Esi ookpomoghi, ọphaanya okuron ịyaldi rꞌịyal ạbuo ọto phọ ọphon ukumuan ghan sịphe Otu Ịiḅereghi phọ. Adaya, ọony aJeroham rꞌọony ọony aPelalaya. Ạbunon oghiil ọdi ạbuen phọ: Amzi, Zẹkaraya, Pashur rꞌaMalkaija.

¹³ Esi ookpomoghi, ịyal okuron inyadi rꞌịyal ạbuo ọto phọ ọphon ukumuan ghan sịphe Otu Ịiḅereghi phọ. Amasai, ọony Ạzarel rꞌọony ọony Azai. Ạbunon oghiil ọdi ạbuen phọ: Mesilemot rꞌImer.

¹⁴ Oniin okuron ịyaldi rꞌọphaanya ạbuo ọto phọ ọphon uḍighi ikpokolo awe ẹgham. Oḍiemiom ạbidi ạZabdiel aḍighi ọlo ẹkpana eghunotu.

¹⁵ Ạbuo aLivai: Semaya, ọony aHasiub rꞌọony ọony Azrikam. Ạbunon oghiil ọdi ạbuen phọ: Hasabaya rꞌaBuni.

¹⁶ Sabetai rꞌạJozabad, ikpolom awe ạbuo aLivai. Bịdi kụ uphogh ghan bọ iiḍighi erugh Otu Ịiḅereghi phọ.

¹⁷ Matanaya, ọony aMika rꞌọony ọony aZabdi, ọnyo ẹemara ẹemara Asaf. Ọdi kụ aḍiemiom bọ bụo ạsuor Otu phọ, bụphe ọmoor bọ ḍụor ịiḅereghi ọsephom mọ. Bakbukiya, dị aḍighi otum aMatanaya Abda, ọony aSamua rꞌọony ọony aGalal, ọnyo ẹemara ẹemara aJedutun.

¹⁸ Esi ookpomoghi, ịyal okuron ọphaanya rꞌinya ạbuo aLivai kụ urugh sịphe ẹmha iigbia phọ aJeruselem.

¹⁹ Abukoriom Otu phọ: Akub, Talmon rꞌasiya ạbidi: esi ookpomoghi oniin okuron oḍualdi rꞌịyal awe.

²⁰ Ạbueri phọ awe phọ Ịzirel rꞌariil ạrikia rꞌạbuo aLivai phọ osugha bọ urugh ni riisi dị eḍighi ịlo ạbidi ẹpe ịpheri phọ igbogh rꞌịbam ạramha eelhe aJuda.

²¹ Ạbuo iiḍighi Otu phọ urugh ni pạkiri aJeruselem dị oghol mọ Ofel, kụ aZiha rꞌaGispa kụ abupoghom iiḍighi phọ ạbidi.

²² Opoghom ạbuo aLivai dị arugh Jeruselem, Uzi ọony aBani rꞌọony ọony aHasabaya. Ạbunon oghiil ọdi ạbuen phọ: Matanaya rꞌaMika. Ọdi ọlo ọto Asaf, ọto phọ bịdi kụ olegheri bọ ịlo ạsuor arukumuan ịsiphe Otu phọ.

²³ Iilogh ọdaam mọ ịrol li ịlo aropolo phọ kọki ghan oḍiemiom ghan sụor, ọto atum ọto, sịphe Otu phọ ḍio etum ḍio.

²⁴ APetahaya ọony ạMesezabel ọnyo ọto aZera rꞌeghun aJuda kụ ạmeeraan esi awe Ịzirel ẹpe ogiga ọdaam aPasia.

Awe dị ọrol sịphe ịnon ịbam rꞌigbogh ạramha.

²⁵ Ịbadi awe urugh ni rạmha dị etuman iizo ạbidi. Bụphe oru bọ bụo eghun aJuda urugh ẹpe Kịriat Arba, Dibon rꞌaJekabzeel, rꞌịbam ạramha dị etuman rạmha phọ ịphen.

²⁶ Bịdi urugh kẹn ni rạmha aJesua, Molada, Bẹt Pelet

²⁷ rꞌaHazar Sual rꞌaBeersheba rꞌịbam ạramha dị eeghironom.

²⁸ Bịdi urugh ni ẹpe Zịklag, Mekona rꞌịbam ạramha ọdi,

²⁹ ẹpe En Rimon, Zora, Jamut,

³⁰ ẹpe Zanoa, Ạdulam rꞌịbam ạramha dị etuman rạmha phọ ịphen. Bịdi urugh ni ẹpe Lakis rꞌiizo dị etuman, rꞌẹpe Azeka rꞌịbam ạramha ọdi. Ịduon phọ pọ rẹḅem ghan mọ awe phọ aJuda urugh eelhe dị ẹrol igbo aBeersheba ẹpe esoorom mọ rꞌEḍiiny aHinom ẹpe ephunom mọ.

³¹ Awe eghun ạBenjamin urugh ni ẹpe Geba, Mikmas, Eai, Bẹtel rꞌịbam ạramha dị etuman,

³² Anatot, Nọb, Ananaya,

³³ Hazor, Rama, Gitaim,

³⁴ Hadid, Zeboim, Nẹbalat,

³⁵ Lod rꞌOno, rꞌEḍiiny Ạbulemia.

³⁶ Opol ạbuo aLivai dị morugh ghan eelhe aJuda ụḅile kụ ọḅeni bịdi mọ ọghi orughan rꞌawe ạBenjamin.