Matiu 1 - Ạḍinya Iigbia

Eghunotu phọ ọmar bọ Jịzos Kraist

¹ Ẹmaria phọ ọmar bọ Jịzos Kraist imiighom ọophi Ebraham, kụ ẹteeny Devid ọdaam mọ.

² Ebraham kụ ọde Ạizik; Ạizik kụ ọde ạJekob; ạJekob kụ ọde aJuda rꞌabumor ọdi.

³ AJuda kụ ọde ạPerez rꞌaZera (ạTamar kụ onhiin phọ ạbidi); ạPerez kụ ọde ạHezron; ạHezron kụ ọde ạRam;

⁴ ạRam kụ ọde Ạminadab; Ạminadab kụ ọde aNason; aNason kụ ọde aSalmon;

⁵ aSalmon kụ ọde ạBoaz (onhiin phọ ọdi aRehab); ạBoaz kụ ọde Obed (onhiin phọ ọdi aRut); Obed kụ ọde ạJesi;

⁶ ạJesi kụ ọde aDevid ọdaam mọ. ADevid kụ ọde ạSolomon (onhiin phọ ọdi aYuraya kụ aphin ghan);

⁷ ạSolomon kụ ọde aRehoboam; aRehoboam kụ ọde Abaija; Abaija kụ ọde Ạsa;

⁸ Ạsa kụ ọde ạJehosafat; ạJehosafat kụ ọde ạJehoram; ạJehoram kụ ọde Uzaya;

⁹ Uzaya kụ ọde aJotam; aJotam kụ ọde Ehaz; Ehaz kụ ọde ạHezekaya;

¹⁰ ạHezekaya kụ ọde ạManase; ạManase kụ ọde Ạmon; Ạmon kụ ọde aJosaya;

¹¹ aJosaya kụ ọde aJehoyasin rꞌabumor ọdi. Pọ kụ amem mọ ọsighe bọ we Ịzirel ogheelom Bạbilon.

¹² Ịdipho ọsighe bọ we phọ ogheelom Bạbilon: aJehoyasin kụ ọde ạSialtiel; ạSialtiel kụ ọde ạZerubabel;

¹³ ạZerubabel kụ ọde Abiud; Abiud kụ ọde Ẹliakim; Ẹliakim kụ ọde Ạzor;

¹⁴ Ạzor kụ ọde ạZedok; ạZedok kụ ọde Akim; Akim kụ ọde Elayud;

¹⁵ Elayud kụ ọde Ẹliazar; Ẹliazar kụ ọde aMatan; aMatan kụ ọde ạJekob;

¹⁶ ạJekob kụ ọde ạJosef phọ ọpo aphin bọ Meri, onhiin phọ ạJizos Kraist, ọpo Ẹnaan eguanaan bọ mọ katu phọ.

¹⁷ Pọ ịduon phọ, emiigh Ebraham kụ ẹteeny Devid ḍioph rꞌinya ọote, kụ emiigh Devid kụ ẹteeny mem mọ ọpo ọsighe bọ we phọ ogheelom Bạbilon ḍioph rꞌinya ọote, kụ emiigh mem mọ ọpo kụ ẹteeny mem mọ ọmar bọ Kraist ḍioph rꞌinya ọote.

Ịpe ọmar bọ Jịzos Kraist

¹⁸ Ịduon kụ ịdi ọmar bọ Jịzos Kraist. Onhiin phọ ọdi ughol mọ aMeri. ẠJosef kụ atebeeny ḍịkala kụ tụtu rẹteeny dị bịdi kọtolan esi, bịn ọmiin dị aMeri ọdi rꞌeghun. Ịikpo Uwaloor Iigbia phọ kụ iimoromi bọ Meri.

¹⁹ ẠJosef phọ ogey oye kụ kpạripe rꞌoofolomi aMeri kụ ạwa oḍighi lẹeph bịn ọwile ọdi.

²⁰ Ọdi odi rạatughian ghan ịphen phọ, kụ ọokpaany Ọmoogh-we phọ aru ạteeny nyọdi ụmalha, kụ ạmagh mọ, “Jọsef ọony aDevid, kákiilaan ọsighe aMeri ophin. Ịikpo Uwaloor Iigbia phọ kụ iimoromi bọ nyọdi.

²¹ Ọdi kạmar ri mọony, kụ nạ kakol ḍien phọ ọdi mọ ạJizos, ịdi eḍighi bọ ọdi kạpel we phọ ọdi esi ịkaraph phọ ạbidi.”

²² Oomo phọ ịphen imite omuneniom ikpo ọnhu Ọmoogh-we phọ oyil phọ ọdi ạḅem bọ mọ,

²³ “Ọnyani dị oye kọ̋rolan esi kaamor ri ạmar olephiri, dị kokol mọ Emanuel” (ẹmhu phọ pọ Ẹnaan edianaan rꞌayira).

²⁴ Kụ ạJosef rọsuma, kụ ạtuugh ịpe ọokpaany Ọmoogh-we phọ ạḅeni bọ nyọdi aḍighi kụ aphin Meri.

²⁵ Kụ ịyal ạbidi esi ụ́tolan tụtu ẹteeny mem mọ ọpo ạmar bọ mọony phọ. Kụ ạJosef aghol nyọdi mọ ạJizos.