Josua 16 - Ạḍinya Iigbia

Abin ẹmoogh ẹlo eghun Ifraim rꞌạpakiri eghun ạManase

¹ Abin ẹmoogh ẹlo ọkuruḅaka ạJosef ẹḍua ẹpe Jọdan etuman Jeriko, ẹpe emitenom erumuḍio ạrumuum mọ aJeriko, ẹsighe ẹghi esiemi ẹpe ẹdala phọ, ẹghi esi ẹpe aroogbolom mọ ẹghi esi Bẹtel.

² Kụ ẹḍua ẹpe Bẹtel ẹki esi ẹpe Luz, ẹḍua ẹki esi ẹpe ọku Ạrkait, ẹki esi Atarot.

³ Ẹḍua ẹki ẹpe erumuḍio phọ remeel ghan bọ esi ọku ạJaflet, ẹsighe esi ẹpe ọku ạBet Horon ẹpe eḍiinyaan bọ, ẹsighe esi Gezer, ekureriom ẹpe Ọphiiny aMeditarenian phọ.

⁴ Mụen kụ abin ẹmoogh ẹlo eghun Ifraim rꞌạpakiri eghun ạManase, ọkuruḅaka phọ ạJosef.

Arere phọ Ifraim

⁵ Phọn kụ ọku ọlo eghun Ifraim, bụo ọto rꞌopolo ạbidi. Ẹpe erumuḍio phọ remite ghan bọ, ọku phọ ạḍua Atarot Adar ạki asi ẹpe ephunom ạBet Horon;

⁶ ạḍua ạki asi ẹpe Ọphiiny aMeditarenian, ạki asi Mikmetat ẹpe ạḍighaagh ephunom mọ, aago ạki asiemi ẹpe erumuḍio phọ remite ghan bọ ạki asi Janoa;

⁷ ạḍua ẹpe Janoa ạki asi ẹpe Atarot, ạsighe ạki asi Naara, ạki asi ẹpe Jeriko, ạḍua ẹpe Jọdan.

⁸ Ọku phọ ạḍua ẹpe Tapua ạga phọ ẹpe erumuḍio phọ remeel ghan bọ, ạki akitonom okol phọ ạKana asi Ọphiiny aMeditarenian. Mụen kụ abin ẹmoogh ẹlo eghun Ifraim, bụo ọto rꞌopolo.

⁹ Igbogh rꞌịbam ạramha phọ ịpe ẹgbatanaan bọ sịphe eghun ạManase eḍighan rꞌabin ẹmoogh phọ nyẹpe eghun Ifraim.

¹⁰ Bịdi úporogh bụo aKenanait phọ bụphe orugh bọ ẹpe Gezer, kụ bụo aKenanait phọ otughan ni rꞌeghun Ifraim kꞌarodon, oḍighi rẹbene rꞌoḍighinaan ghan bịdi ịikpara iiḍighi.