Jerimaya 47 - Ạḍinya Iigbia

Adom Ọmoogh-we phọ ịlo aFilistia

¹ Kẹ̋teeny mem mọ ọdaam-ẹmha phọ Ijipt azuom bọ Gaza, Ọmoogh-we phọ ụḅaanaan ni ịmi ịlo aFilistia.

² Ọdi ạḅem mọ, “Ipogh! Ạmuum rakil li igey ẹpe ephunom mọ karu ịdipho ọphiiny dị aḍigho reḍigh. Kạminoghom ni de phọ rꞌoomo ạraraar lọ edi sịphe, rạmha rꞌaweye lọ orugh sịphe. Awe kọlom ọloghonaan ạḍighaagh; tọrobo oye lọ odi sịen ade phọ kạtolom rꞌizin.

³ Bịdi kọnaghan ḍịaḅa ạrada ịnam eghiil, rꞌẹḍogh ookaraghan arughuugh-ude rꞌaḍiboom ạḍiaḅa idighila arughuugh phọ. Ạburude kókiton ọman ophogh ạnmuny ạbidi; ạraghaagh ạbidi kẹḅoonian ni.

⁴ Amem mọ mẹteeny ophiemi aFilistia, ọgbatan esi aTaya rꞌaSaidon oomo ọloghonaan ạḍighaagh lọ asugha. Mị Ọmoogh-we phọ kapiemi ni bụo aFilistia phọ, oomo ạbuphe ọḍua bọ oogbom aKrit kụ oru.

⁵ Oboom ọto masooraan weye aGaza, kụ awe Askelon oḅoorian. Kꞌạpur amem kụ ẹdi bụeri phọ awe aFilistia kọtol ghan okururu?

⁶ Ịlo ẹmagh, ‘Elhool ẹgham Ọmoogh-we phọ! Nạ kạtol obeneghan ghan bịn kꞌapuraḍio? Ḅula loor aḍiphul ạna, Tọl sịphe aphooghian!’

⁷ Kepooghian bọ ika mem dị mị mạngo oḍighi oḍighi? Mị mạto mọ elhool ẹgham ezuom Askelon rꞌoomo awe phọ odi bọ ọgbal ọphiiny phọ.”