Jerimaya 45 - Ạḍinya Iigbia

Ịdi Ẹnaan eguanaan Baruk

¹ Lhạ dị emuneniom inya dị aJehoyakim ọony aJosaya mạda Juda, aBaruk ạge ni loor ạḍinya ịpe mị ạḅeni bọ nyọdi. Kụ mị ạḅeni nyọdi mọ

² Ọmoogh-we Ẹnaan phọ Ịzirel mạḅem mọ, “Baruk,

³ nạ rạḅem ghan mọ, ‘Mị mạwile! Ọmoogh-we phọ mạḅaram ọto ịiḅaghami phọ ạmi. Ịkuph medughe loor ạmi, kụ mị ụ́moogh mun rꞌẹnum ophooghian!’

⁴ “Kụ ọlo mị Ọmoogh-we phọ ralereghi ịpe mị mạlhoghoḍi bọ kụ ratuph ịpe mị mạzuph bọ. Mị kaḍighi ịphen phọ oomo ade phọ.

⁵ Nạ rạwa ghan mọ ọmaar ọpham nyịna ḍụghum? Káḍighi ịdipho. Mị ratuomaan ịiḅaghami oomo awe kụ nạ, ịlo eḍighi eḍighi, kạtol li tọrobo ekpisi lọ nạ ạghi. Mị Ọmoogh-we phọ kụ mạḅem.”