Emiighom 10 - Ạḍinya Iigbia

Ẹemara ẹemara phọ aNoa

¹ Bụen phọ kụ ẹemara ẹemara ạnmuny phọ aNoa, Sẹm, rꞌạHam, rꞌaJafet. Ịraar phọ ạbidi ụmaraghian ni mem mọ aḍigho phọ megheel bọ.

² Ạnmuny phọ aJafet — aGomer, ạMagog, aMadai, aJavan, aTubal, ạMesek, rꞌaTiras — kụ ạburude ạburude awe areelhe phọ omeera ghan bọ siḍien phọ ạbidi.

³ Ẹemara ẹemara aGomer kụ awe phọ Askenaz, aRifat, rꞌaTogama.

⁴ Ẹemara ẹemara aJavan kụ awe phọ Elisa, aSpen, ạSaipros rꞌaRods.

⁵ Bụen phọ kụ ạburude ạburude awe dị orughogh ghan ọgbal ạriphiiny. Bụen phọ kụ ẹemara ẹemara aJafet, orughogh ghan bọ bụo eghun rꞌeghun, bụo eelhe rꞌeelhe ọgbaranaan rụnhu.

⁶ Ạnmuny phọ ạHam — aKus, Ijipt, ạLibia, rꞌaKenan — kụ ạburude ạburude awe areelhe phọ romeera ghan bọ siḍien phọ ạbidi.

⁷ Ẹemara ẹemara aKus kụ awe phọ aSeba, aHavila, aSabta, aRaama, rꞌaSabteka. Ẹemara ẹemara aRaama kụ awe phọ aSiba rꞌaDedan.

⁸ AKus ạmoogh mọony dị oghol mọ ạNimrod, ọpo aḍighi bọ ọḅel ogbogh oye ẹgham aḅirini phọ.

⁹ Ọdi ophelegbe ọtayaam ịtaya esi ọloghonaan ạḍighaagh Ọmoogh-we phọ, ịduon kụ iḍighi kụ awe ọghal ghan mọ, “Ọmoogh-we phọ aḍighi aani nyịna ophelegbe ọtayaam ịtaya ịdipho ạNimrod!”

¹⁰ Emiighom mọ, eelhe phọ ọdi ịḅaram ni Bạbilon, Erek rꞌAkad ẹpe eelhe phọ ạBabilon.

^11-12 Kụ ạNimrod ạḍua sịphe ạghi Asiria kụ ạloghoḍi rạmha phọ aNineve, Rehobot Ir, Kala, rꞌaResen phọ odi bọ igbo aNineve rꞌạKala. Ẹphen phọ egbogh ẹmha ni.

¹³ Ẹemara ẹemara Ijipt kụ awe phọ ạLidia, Anam, aLehab, aNaftu,

¹⁴ aPatros, Kaslu, rꞌaKrit, ọkuruḅaka awe phọ aFilistia ọḍua bọ kụ omite.

¹⁵ AKenan ạmar Saidon — ọkpana ọdi — ạḅile ạmar Het; bịdi kụ ạburude ạburude awe areelhe phọ romeera ghan bọ siḍien phọ ạbidi.

¹⁶ AKenan kụ ọde ọde awe aJebusait phọ, awe Ạmorait phọ, awe phọ aGirgasait,

¹⁷ awe aHivait, awe Ạrkait, awe Sịnait,

¹⁸ awe Avadait, awe aZemarait rꞌạHamatait phọ. Íbia bịn arughunughun phọ aKenan ọḍuaghu ọwalala.

¹⁹ AKenanait phọ ọkuan ọku rꞌaSaidon dị nạ rạki Gerar etuman Gaza, ḅịle kẹn ọku phọ anyeene Sọdom rꞌaGomora rꞌAdma rꞌaZeboyim etuman Lasa.

²⁰ Bụen phọ ẹemara ẹemara ạHam, bụo eghun rꞌeghun, bụo ọnhu rꞌọnhu, pạ ạramha phọ ạbidi, sịphe areelhe phọ ạbidi.

²¹ ẠSem, okumoor umor phọ aJafet, kụ ọde oomo awe phọ aHibru.

²² Ạnmuny ạSem — Ilam, Ashur, Apaksad, aLud, rꞌAram — bịdi kụ ạburude ạburude awe areelhe phọ romeera ghan bọ siḍien phọ ạbidi.

²³ Bụen kụ ạnmuny Aram: Ụz, Hul, Geter rꞌạMesek.

²⁴ Apaksad kụ ọde aSela, ọpo aḍighi bọ ọde Eber.

²⁵ Eber ạmar ịyal ạnmuny; oniin ughol mọ aPeleg, ịdi eḍighi bọ mem mọ ọdi, aḅirini phọ adia ni; kụ nyọori phọ oghol mọ aJoktan.

²⁶ Ẹemara ẹemara phọ aJoktan kụ awe phọ Almodad, aSelef, aHazamavet, aJera,

²⁷ aHadoram, Uzal, aDikla,

²⁸ Ebal, Ạbimael, aSiba,

²⁹ Ofir, Havila rꞌaJobab; oomo phọ ạbuen phọ ạnmuny aJoktan.

³⁰ Amarugh ạbidi amiigh Mesa kụ asi Sefar rạaḅaraph ẹpe erumuḍio phọ rẹḍua ghan bọ kemite.

³¹ Bụen phọ ạnmuny ạSem, bụo eghun rꞌeghun, bụo ọnhu rꞌọnhu, bụo ẹmha rꞌẹmha, bụo eelhe rꞌeelhe.

³² Oomo phọ ạbuen phọ kụ ẹemara ẹemara phọ aNoa, eelhe etum eelhe, ẹdaphan oḍigh awe rꞌawe. Mem mọ aḍigho phọ ẹḍua bọ, oomo areelhe aḅirini phọ ụḍua ẹemara ẹemara ạnmuny phọ aNoa kụ omite.