Azaya 12 - Ạḍinya Iigbia

Ạḍuor ọngoom ạḍiseph

¹ Aḍio retu dị awe kọmoor ghan mọ, “Mị aboom nyịna, Ọmoogh-we. Nạ ụghagham ni ịmi ologhi, kụ nyịidipho nạ rụudereghi ịmi kụ ọghagh ologhi ólho mun.

² Ẹnaan kụ ọpelia ạmi; mị kaḍuom ologhi nyọdi kụ káapuph. Ọmoogh-we phọ rụngo ghan ịmi ịikpo rꞌịnyaam; ọdi kụ ọpelia ạmi.

³ Ịdipho ạmubo ạmuum rạngo ghan bọ iboh we dị ạmuum rạpu, ịdipho kụ ẹdi awe Ẹnaan robo ghan mem dị ọdi ạphel bịdi.”

⁴ Aḍio retu ni dị awe kọmoor ghan mọ, “Ịngo ḍịseph Ọmoogh-we phọ! Ịmagh ọdi ạlogh ḍịghaagh. Ịḅeni oomo areelhe phọ rạraar dị ọdi maḍighi yogh! Ịḅeni bịdi ịdi ọdi ạbugh.

⁵ Ịmoor ẹghiom Ọmoogh-we phọ loor esi igbogh ạraraar phọ ọdi maḍighi yogh bọ. Oomo aḅirini phọ ọnaghan ọghaaph phọ!

⁶ Oomo awe phọ orugh bọ sịphe Zạyon ọlo kụ ọmoor ghan! Oye Aghuḍuul phọ Ịzirel ạbugh ni, kụ ọdi odi ghan igbo awe phọ ọdi.”