Ạsuor 87 - Ạḍinya Iigbia

Ạḍuor oghueniom aJeruselem

¹ Ọmoogh-we phọ aphighi ẹmha ọdi sịphe eegbolom iigbia phọ.

² Sịphe Ịzirel, ẹmha dị ọdi ạphomoghian dị eeleeny Jeruselem ílho.

³ Nạghan, ẹmha Ẹnaan, ịikia ịma ạraraar phọ ọdi rạkaaph bọ ịlo ạna.

⁴ “Mị kạloghom Ijipt rꞌạBabilonia mem dị mị rạge reelhe dị ụnaghanan ịmi. Sịphe ogbo awe dị odi Jeruselem, mị kagbi we phọ aFilistia rꞌaTaya rꞌạSudan.”

⁵ Kọḅem ịlo ạZayon mọ bụo oomo areelhe odi sịphe, kụ Ọkaraghi Egbogh Ẹnaan phọ kẹkparami ni bịdi.

⁶ Ọmoogh-we phọ kạgeeghi reelhe phọ kụ ạloghom oomo ạbidi mọ awe aJeruselem.

⁷ Bịdi ọker ịḅa, ọmoor sụor mọ, “Sịphe Zạyon kụ ẹdi oomo ạḍiseph edi ghan.”