Ạsuor 82 - Ạḍinya Iigbia

Ẹnaan ọkar ogbogh oye ịtooghi

¹ Ẹnaan kụ uwo ẹmhu ạgada ookpomoghan kꞌạke; ọdi rạkaaph ghan ịpe ologhi phọ ọdi ogbo ạrumugh phọ.

² “Isophe oogbo ghan ịkaraph ịiruen; kéḍighan ghan mun ọkaraph oye phọ.

³ Isophonaan igey ịiruen rukulom rꞌạbunyigo; Ịmaar ẹpham bụphe ẹkparam bọ rꞌạbulo ụ́moogh ọloghonaan ạḍighaagh.

⁴ Iḍighi ịdi bụphe ẹkparam bọ rꞌarukulom mọ kokpetenaan. Ịtophoron bịdi rạghaagh ịnyaam ạbukaraph awe.

⁵ “Nyina edi ni élegheri. Nyina ighiil awe. Nyina ẹpu ni bịn ẹbugh, ḅịle igey ịiruen mephe aḅirini phọ.

⁶ ‘Nyina ạrumugh,’ mị ạḅem mọ ‘oomo anyina ạnmuny Ọkaraghi Ogbogh phọ.’

⁷ Kụ ọlo nyina kemugh ịdipho awe; aghuḍum anyina kakureri ịdipho ạkuo ạtorobo ọkpana ọdaam.”

⁸ Ḅetenu, Ẹnaan, ạda aḅirini phọ; oomo areelhe phọ ịlo ạna.