Ạsuor 61 - Ạḍinya Iigbia

Ịiḅereghi ọmoogh ạpeleeny

¹ Nạghan emoghi ạmi, Ẹnaan; nạghanan ịiḅereghi ạmi.

² Mị odi ẹpe eekuna aḅirini phọ, ologhi ạmi ạkununu, kụ mị rạmagh nyịna. Urorori ịmi ạsiinye ạnyu aḍighiigh phọ ẹkel bọ ipu ịmi,

³ loor esi dị nạ kụ aḍibuo dị mị aḍigh, ọsuaram ạmi dị ạkpar apu bụmulogh-ḍien ạmi.

⁴ Mị ụtol sịphe otu iigbia phọ ạna oomo aghuḍum mọ ạmi; mị ụmiin esi ạaghian eeḍian araphaaph ạna.

⁵ Nạ mạnaghan ruguanan ạmi, Ẹnaan. Nạ mụngo ịmi erua ạbuphe ọlogh bọ nyịna eghuan.

⁶ Lọghonaan ịbadi ạsia ạdoonye ghuḍum ọdaam mọ, ọdi ạrol ọrugh atum ọrugh.

⁷ Ọdi ạda kꞌagee-pọ egbodo ạna, Ẹnaan; kpeekpereghiom nyọdi ẹphomoghian phọ ạna rémuneen ghan bọ rꞌamabi-ólho phọ.

⁸ Mị kạmoor ghan sụor oomo amem aboom nyịna, ịdipho mị kạngo ghan bọ nyịna ḍio ḍio ḍio ịpe mị aguanaan bọ.