Ạsuor 47 - Ạḍinya IigbiaỌkaraghi ogbogh ọdaam 1 Weye oomo areelhe phọ, ikpoolha rạghaagh anyina ẹmoogh iboh; ipoophe rọḍogh anyina ẹmoor sụor eboom Ẹnaan. 2 Ọmoogh-we phọ, Ọkaraghi Egbogh Ẹnaan phọ, ọlo oghiilaan. Ọdi kụ ogbogh ọdaam ịsien aḅirini phọ. 3 Ọdi maḍighi ịdi yira mọkpar opu oomo awe. Ọdi maḍighi ịdi yira kụ kọtooghi ghan ịtooghi ọngo oomo areelhe phọ. 4 Ọdi kụ ạsaḅar bọ de phọ ạḍien ạngo nmụny phọ ạJekob, ḍịphe bụphe ọdi ạphomoghian bọ roobagaam bọ. 5 Ẹnaan mẹsiiny ạnyu ẹpe ạgada ọdaam mọ ọdi, kụ ọyugh iboh rꞌạroḍogh aruuḍue reboom ghan nyọdi ẹpe ạnyu phọ. 6 Ịmoor eboom ghan Ẹnaan; ịmoor eboom ghan ọdaam mọ ayira. 7 Ẹnaan kụ ọdaam oomo aḅirini phọ; ịmoor sụor eboom ghan nyọdi. 8 Ẹnaan kụ ịda oomo areelhe phọ; Ẹnaan ẹtolom ạgada iigbia phọ ọdi. 9 Ạbuo ịtooghi oomo areelhe phọ mookpomoghan egina esi, ọḅaram rꞌawe phọ kꞌẸnaan phọ Ebraham. Ịikpo phọ Ẹnaan ẹbugh ni iboom epu oomo aḅirini phọ; ọdi kụ ogbogh dị ạda. |
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Nigeria Bible Translation Trust