Ạsuor 3 - Ạḍinya Iigbia

Ịiḅereghi ạḍiroor ịlo ọloghonaan ạḍighaagh

¹ Mị ạmoogh ḍita ạbumulogh-ḍien, Ọmoogh-we, ịbadi ạbudi ụwa ịmi sighiton!

² Bịdi rọkaaph ghan ịlo ạmi kụ ọḅem mọ, “Ẹnaan kẹ́loghonaan nyọdi ḍịghaagh.”

³ Kụ ọlo nạ Ọmoogh-we kụ ọsuaram ạmi esi omuzaan aḍuugh. Nạ kụ ụngo ịmi ọkpar opu kụ aaḅulemi ạkpo ologhi ạmi.

⁴ Mị ụmagh ni Ọmoogh-we phọ mọ tue ụlhoghonaan ịmi ḍịghaagh kụ kꞌẹpe eegbolom iigbia phọ ọdi, ọdi ụphagharanaan ịmi.

⁵ Mị ạmina kụ ạnaani oomo ạḍidoony aḍughul; mị ạsuma kụ Ọmoogh-we phọ odianaan rꞌạmi.

⁶ Mị rákiilaan sịmuunir ạbumulogh-ḍien phọ bụphe ukoom bọ ịmi ọlogh ogbo.

⁷ Tue, Ọmoogh-we, ụphel ịmi; nạ Ẹnaan phọ ạmi. Nạ ụlhiom oomo ạbuphe ụlogh bọ ịmi ḍien phọ kụ ạwile bịdi esi dị ịikpo ílho mun oḍighi ạmi ịyaar.

⁸ Ọkpar opu ạḍua ghan esi Ọmoogh-we phọ kụ ratu — meera ọdi ạseph we ọdi!