Ạsuor 24 - Ạḍinya Iigbia

Ogbogh ọdaam mọ

¹ Ade phọ rꞌoomo ạraraar phọ edi bọ ịlo Ọmoogh-we phọ; aḅirini phọ rꞌoomo awe phọ orugh bọ sịphe phọ ạbuo ọdi,

² ịdi eḍighi bọ ọdi kụ aphighi de phọ ạnyu otu-ḅualhe phọ, ạḅile aḍighi ịdi ade phọ ẹmeera ạnyu ọphiiny.

³ Ạnhian kụ kạsiiny eegbolom iigbia Ọmoogh-we phọ? Ạnhian kụ kaḍigh sịphe Otu Iigbia phọ ọdi?

⁴ Ọlo ạraghaagh ọdi ẹḅaal kụ ạmoogh ogeny ologhi; ọlo rápoophe ghan uwaloor ọdi kạngo oopho ạraraar, ḅịle rákunya ghan iikunya iigbegheḍiom.

⁵ Ọdi kụ kạmoogh ḍịseph Ọmoogh-we phọ, rꞌaruukuan esi Ẹnaan Ọpelia phọ ọdi.

⁶ Bụen phọ kụ oghiil ạbuphe rọwa bọ nyọdi, bụen kụ rọwa bọ ọmiin aghisigh Ẹnaan phọ ạJekob.

⁷ Ipoophe rụmhu anyina ẹghiom ạnyu, nyina ịnhu-aḍibuo phọ, kụ ephoophe yogh ẹghiom ạnyu, nyina arughuugh kꞌagee-pọ; ọdaam arughuenian phọ aḍigh.

⁸ Ạnhian kụ ọdaam arughuenian phọ? Ọmoogh-we phọ ọpo ạmoogh bọ ịikpo; Ọmoogh-we phọ kụ ophelegbe ạraagham.

⁹ Ipoophe rụmhu anyina ẹghiom ạnyu, nyina ịnhu-aḍibuo phọ, kụ ephoophe yogh ẹghiom ạnyu, nyina arughuugh kꞌagee-pọ; ọdaam arughuenian phọ aḍigh.

¹⁰ Ạnhian kụ ọdaam arughuenian phọ? Ọmoogh-we phọ ọpo ạmoogh bọ ịikpo, Ọmoogh-we phọ kụ ophelegbe ạraagham.