Ạsuor 149 - Ạḍinya Iigbia

Ạḍuor oboomiom

¹ Iboom Ọmoogh-we phọ! Ịmooraan ḍimoom ạḍuor Ọmoogh-we phọ. Iboom nyọdi esi dị abugeny awe ọdi mookpomoghan.

² Ịmoogh iboh, weye Ịzirel, loor ẹmhu Ọlemia phọ anyina; ịḅaal ologhi, weye ạZayon, loor ẹmhu ọdaam mọ anyina.

³ Iboom ḍien ọdi ẹgher ịḅa; iti rạkama rꞌạrene eboomiom nyọdi.

⁴ Ọmoogh-we phọ ạmoogh ḍịḅeeraan awe phọ ọdi; ọdi rakueni ghan ni bụphe osooromi bọ loor rꞌọkpar opu.

⁵ Awe phọ Ẹnaan ọḅaal ologhi esi ọkpar opu phọ kụ ọmoor rꞌibo oomo aḍughul phọ!

⁶ Bịdi ọlo ọghiom ạnyu mem dị bịdi roboom Ẹnaan phọ! Bịdi ọpham ịiropha arolhool ẹgham ạbidi rạghaagh,

⁷ ịlo ọkpar opu areelhe rꞌọliom awe areelhe phọ;

⁸ ịlo ọphaḍiom ạbudaam mọ izime, buḍiemiom mọ izime arukuron;

⁹ ịlo ọlhiom areelhe phọ ịdipho Ẹnaan mẹto bọ. Phọn kụ ọkpar opu awe phọ Ẹnaan. Iboom Ọmoogh-we phọ!