Ạsuor 136 - Ạḍinya Iigbia

Ạḍuor ạḍiseph

¹ Ịngo ḍịseph Ọmoogh-we phọ loor esi dị ọdi ạnighe ni; ẹphomoghian phọ ọdi edi ghan bịn kꞌagee-pọ.

² Ịngo ḍịseph Ẹnaan dị epu oomo aruru; ẹphomoghian phọ ọdi edi ghan bịn kꞌagee-pọ.

³ Ịngo ḍịseph ọkar ogbogh Ọmoogh-we phọ; ẹphomoghian phọ ọdi edi ghan bịn kꞌagee-pọ.

⁴ Ọdi bịn kụ raḍighi ghan iboom ịiḍaany; ẹphomoghian phọ ọdi edi ghan bịn kꞌagee-pọ.

⁵ Rꞌolegheri ịyaar ọdi kụ ẹdi ọdi ạlhemom bọ kẹ phọ; ẹphomoghian phọ ọdi edi ghan bịn kꞌagee-pọ.

⁶ Ẹpe aḍigher ạmuum mọ ọdi aseere ni de phọ; ẹphomoghian phọ ọdi edi ghan bịn kꞌagee-pọ.

⁷ Ọdi ạlhem erumuḍio rꞌụnwanyu; ẹphomoghian phọ ọdi edi ghan bịn kꞌagee-pọ.

⁸ Erumuḍio pịdi ẹda ootaany; ẹphomoghian phọ ọdi edi ghan bịn kꞌagee-pọ.

⁹ Ụnwanyu rꞌạraanaan pịdi ẹda ḍughul; ẹphomoghian phọ ọdi edi ghan bịn kꞌagee-pọ.

¹⁰ Ọdi ạze ịkpana ạnmuny awe Ijipt; ẹphomoghian phọ ọdi edi ghan bịn kꞌagee-pọ.

¹¹ Ọdi aḍiemiom we Ịzirel amitiom ẹpe Ijipt; ẹphomoghian phọ ọdi edi ghan bịn kꞌagee-pọ.

¹² Rꞌịikpo ịgbagara ạraghaagh ọdi; ẹphomoghian phọ ọdi edi ghan bịn kꞌagee-pọ.

¹³ Ọdi aalemi Ọphiiny Igbilha adi; ẹphomoghian phọ ọdi edi ghan bịn kꞌagee-pọ.

¹⁴ Ọdi arelhiom we ọdi ạḅeenyom ọphiiny; ẹphomoghian phọ ọdi edi ghan bịn kꞌagee-pọ.

¹⁵ Kụ ọlo, ọdi aḅiemi ọdaam mọ Ijipt rꞌawe ẹgham ọdi; ẹphomoghian phọ ọdi edi ghan bịn kꞌagee-pọ.

¹⁶ Ọdi aḍiemiom we ọdi ạḅeenyom de ịisaar; ẹphomoghian phọ ọdi edi ghan bịn kꞌagee-pọ.

¹⁷ Ọdi ạze rạalha dị ọmoogh ịikpo; ẹphomoghian phọ ọdi edi ghan bịn kꞌagee-pọ.

¹⁸ Ọdi ạze rạalha dị asiḍien eeleghaan; ẹphomoghian phọ ọdi edi ghan bịn kꞌagee-pọ.

¹⁹ Sihon, ọdaam Ạmorait; ẹphomoghian phọ ọdi edi ghan bịn kꞌagee-pọ.

²⁰ Ra Ọg, ọdaam ạBasan; ẹphomoghian phọ ọdi edi ghan bịn kꞌagee-pọ.

²¹ Ọdi ạsighiogh rere ạbidi ạngo we ọdi; ẹphomoghian phọ ọdi edi ghan bịn kꞌagee-pọ.

²² Ọdi ạngo rere phọ we Ịzirel, butelhedom mọ ọdi; ẹphomoghian phọ ọdi edi ghan bịn kꞌagee-pọ.

²³ Ọdi iyoor úwula mem dị ọkpar upu iyoor; ẹphomoghian phọ ọdi edi ghan bịn kꞌagee-pọ.

²⁴ Ọdi aḍighi ịdi yoor okpetenaan rạghaagh ạbumulogh-ḍien ayoor; ẹphomoghian phọ ọdi edi ghan bịn kꞌagee-pọ.

²⁵ Ọdi ạngo eḍien tọrobo ịyaar lọ repooghu; ẹphomoghian phọ ọdi edi ghan bịn kꞌagee-pọ.

²⁶ Ịngo ḍịseph Ẹnaan ạke phọ; ẹphomoghian phọ ọdi edi ghan bịn kꞌagee-pọ.