Ạsuor 130 - Ạḍinya IigbiaỊiḅereghi ọloghonaan ạḍighaagh 1 Sịphe amukum ologhi phọ ạmi mị rạmagh ni nyịna, Ọmoogh-we. 2 Nạghanan emoghi phọ ạmi, Ọmoogh-we; nạghanan ḍịmagh ọloghonaan ạḍighaagh phọ ạmi. 3 Eḍighi ịyaar dị nạ ạgeeghi ghan ịkaraph ayoor ạlogh esi, ạnhian kụ kakpetenaan bọ apum mọ ạna? 4 Kụ ọlo nạ ạsar ghan ni rụwilenaan iyoor ẹrol dị yoor oghueni ghan nyịna. 5 Mị rakori agey ọloghonaan ạḍighaagh Ọmoogh-we phọ, kụ esi ekpo ọnhu ọdi kụ ẹdi mị ạkpasaghi emooph ạmi. 6 Mị rakori ghan Ọmoogh-we phọ kapuemi bukoriom aḍughul dị rakori ghan mọ ạḍiroor ekpoghoronu. Ekoriom mọ epu ịdi abukoriom aḍughul rokori ghan mọ ekpoghoronu. 7 Weye Ịzirel, ịkpasi emooph anyina esi Ọmoogh-we phọ loor esi dị ẹphomoghian ọdi rémuneen kụ ọdi odi ghan ọphel oomo amem. 8 Ọdi kạpel li we phọ ọdi Ịzirel ạsighe esi oomo ịkaraph phọ ạbidi. |
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Nigeria Bible Translation Trust