Ạsuor 129 - Ạḍinya Iigbia

Ịiḅereghi eenan ạbumulogh-ḍien Ịzirel

¹ Ịzirel, ụḅeni iyoor ịpe ạbumulogh-ḍien phọ anyina rịgbiphoghom bọ inyina kꞌẹghoroghor phọ anyina.

² “Kꞌẹghoroghor phọ ạmi, ạbumulogh-ḍien ạmi mụgbiphoghom ghan ni ịmi rꞌịghagh iloghi kụ ọlo kọ̋kpar upu ịmi.

³ Bịdi obenogh itokolo ạrelem ọman ạmi kụ ẹkighimaam ozo dị momuul suphul.

⁴ Kụ ọlo, Ọmoogh-we phọ, oye aruukuan phọ, mụtagharan ịmi ạsighe dọl ạrebene.”

⁵ Eḍighi ịdi kọkpar ghan opu tọrobo oye lọ ạlogh ḍien Zạyon kụ oporogh oḅulemi ọman!

⁶ Eḍighi ịdi oomo ạbidi kọkigh rọogho dị asi ạnyu aruutu, dị kạnuughi kụ ẹteeny mem dị kạmanam;

⁷ oye ráboorogh ghan kaakpomoghi ḅịle mọ ọghoroghi ạrokol ọsighe ọḍuanam.

⁸ Oye ólho dị katen kụ ạḅem mọ, “Ọmoogh-we phọ ạseph nyịna. Yoor rọseph ni nyịna esi aḍien Ọmoogh-we phọ.”