Ạsuor 122 - Ạḍinya IigbiaẠḍuor ọsephom aJeruselem 1 Ologhi ạmi ạḅaal li mem dị bịdi ụḅeni bọ ịmi mọ, “Tue ọghi Otu Ọmoogh-we phọ.” 2 Kụ nyịidipho yira mosi sịen ọmeregha ologhi ẹmha phọ aJeruselem. 3 AJeruselem ẹmha dị ọḅile ọosa, esi dị ọnighemi ẹmooghom mụḅoph. 4 Ịsien kụ ẹdi arughunughun phọ rotu ghan, arughunughun phọ Ịzirel, ọngo ghan ạḍiseph Ọmoogh-we phọ, ọdaphan ịto phọ ọdi. 5 Ịsien kụ ẹdi ạbudaam mọ Ịzirel ọrol ghan kụ oogbo ịiruen ọngo we phọ ạbidi. 6 Ịiḅereghinaan ẹepho esoor Jeruselem: “Bụphe ọphomoghian bọ nyịna ọmoogh edughom! 7 Eḍighi ịdi ẹepho kẹtol ologhi iikpe ẹmha phọ ạna, kụ ẹereegh ẹtol rigiga phọ ạna!” 8 Loor ẹmhu asiya phọ ạmi rꞌạrighiri phọ ạmi mị ạḅeni Jeruselem mọ, “Ẹepho ẹrolonaan nyịna.” 9 Loor ẹmhu otu Ọmoogh-we Ẹnaan phọ ayira, mị ạaḅereghi mọ edughom ẹrolonaan nyịna. |
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Nigeria Bible Translation Trust