Ạsuor 114 - Ạḍinya Iigbia

Ạḍuor ẹyaal ọphel otene phọ

¹ Mem mọ awe phọ Ịzirel ọḍua bọ Ijipt, mem mọ ạnmuny ạnmuny ạJekob ọḍua bọ ḍiiruen ade phọ,

² ạbuo aJuda oḍighi we iigbia Ọmoogh-we phọ, ạbuo Ịzirel oḍighi bụo ẹmoogh ọdi.

³ Ọphiiny Igbilha phọ aphogh kụ aghiil ạḍua; Ọphiiny ạJodan asophe okil.

⁴ Ạraaḅaraph phọ epeleghu mụdi idughuna, aroogbolom mọ epeleghu mụdi ạnmuny iyool-ịga.

⁵ Nạ Ọphiiny phọ, eeghe kụ imite kụ nạ aghiil bọ ạḍua? Ḅịle nạ ạJodan phọ, eeghe kụ nạ asophe bọ okil phọ.

⁶ Nyina ạraaḅaraph phọ, uḍighi ika kụ nyina epeleghu bọ ịdipho idughuna? Nyina aroogbolom mọ, uḍighi ika kụ nyina epeleghu bọ mụdi ạnmuny iyool-ịga?

⁷ Nạ ade phọ, piigha mem dị Ọmoogh-we phọ ratu, egbodo Ẹnaan phọ ạJekob,

⁸ ọpo ranme ghan bọ sighiigh katene rụunu ạmuum, ọpo rạsighe ghan bọ igbogh ạrana katene rụmuum dị rekil.