Ạsuor 113 - Ạḍinya Iigbia

Ọsephom ẹnighe Ọmoogh-we phọ

¹ Iboom Ọmoogh-we phọ! Nyina abutelhedom Ọmoogh-we phọ, iboom ḍien phọ ọdi.

² Oboom ḍien phọ ọdi, nyịidipho ḅịle kꞌagee-pọ.

³ Emiigh kꞌemitenom erumuḍio kꞌesoorom, iboom ḍien Ọmoogh-we phọ.

⁴ Ọmoogh-we phọ kụ ạda oomo areelhe; eegu ọdi epeleghom sịke phọ.

⁵ Oye ólho dị ạghigh Ọmoogh-we Ẹnaan phọ ayira. Ọdi atugh iiphopha ariisi ạnyu

⁶ kụ azuman ọmiin ạsike rꞌade phọ.

⁷ Ọdi apoophe rukulom sịphe ophugh phọ; ọdi apoophe oye dị ị́nighenom ạsighe esi ịminimiin ọdi

⁸ kụ aḍighi bịdi we orelhian ạnmuny ạraalha, sịphe ạnmuny ạraalha awe phọ ọdi.

⁹ Ọdi ạngo eghuan ạnir lọ mọony ụ́moogh sịphe kꞌolhom ọdi; ọdi ạngo nmụny ọḅaalami ologhi ọdi. Iboom Ọmoogh-we phọ!