Ạsuor 110 - Ạḍinya IigbiaỌmoogh-we phọ rꞌọdaam phọ ọdi mạsaḅar bọ 1 Ọmoogh-we phọ ạḅeni ọde-otu phọ ạmi mọ, “Tọl ḍịghaagh elhiom ạmi, tụtu ẹteeny mem dị mị kaḍighi bụmulogh-ḍien phọ ạna ịkasi ọkpasaghiom aruwol.” 2 Emiigh kꞌẹpe Zạyon Ọmoogh-we phọ kạteghe ịnyaam ọdaam ẹmha phọ ạna. Ọdi ạḅem mọ, “Tọoghi ạngo bụmulogh-ḍien ạna.” 3 Ḍio dị nạ azuom elephiri bụmulogh-ḍien phọ ạna, awe ạna koḍighan ni. Mụdi ooto eḅon ạḍiroor, ugheel ạnmuny kotu ọteeny nyịna sịphe aroogbolom iigbia phọ. 4 Ọmoogh-we phọ maghunya kụ aguanaan kụ kạ́aḅemion: “Nạ kaḍighi oyil ạrikia kꞌagee-pọ, sịphe ạbaay ariil ạrikia phọ kꞌạMelkizedek.” 5 Ọmoogh-we phọ odi ḍịghaagh elhiom ạna; mem dị ịyaar ephin ologhi ọdi, ọdi kạkpar ri apu rạalha. 6 Ọdi kaagbo ịiruen ạngo reelhe kụ amuzeḍiom erugh ẹgham mọ iḍim; ọdi kạkpar apu rạalha oomo ade phọ. 7 Ọdaam mọ kạpughol mụum lọ oḍu okol ọgbal eten, kụ rọkparamiom loor ọdi, kụ ạmeera ạkpar apu. |
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Nigeria Bible Translation Trust