Ạsuor 11 - Ạḍinya Iigbia

Oḍuom ologhi esi Ọmoogh-we phọ

¹ Mị aḍuom Ọmoogh-we phọ ologhi kụ aḍigh ḍibuo ọdi. Nạ ụtuan ika kụ ụḅeni bọ ịmi mọ “Pẹeph ạḍua ịdipho ẹnun ạghi ẹpe ạraaḅaraph phọ.

² Bụo ạsipioghom ọbooghian; mọkpamaghi sịkumugh phọ ạbidi ogbonogh rịkpina phọ ạbidi ịlo ọraḅal aweye aruukuan.

³ Mem lọ ogbonyon ephighiom otu phọ olereghi, ịyaar dị oye katue aḍighi ílho mun.”

⁴ Ọmoogh-we phọ odi sịphe otu iigbia phọ ọdi. Ạgada ọdaam ẹmha phọ ọdi odi kꞌạke. Ọdi rạnmanaghian ghan ni kạmiin we tọrobo tọrobo ekpisi, alegheri kẹn ni ịpe bịdi roḍighi bọ.

⁵ Ọmoogh-we phọ rạaḅeghion ghan ni bụo aruukuan rꞌạbuo ạsipioghom mọ kaphogh, ạsighe oomo ologhi phọ ọdi akelom bụphe iilogh róoko bọ.

⁶ Iiḅu ạnian ọdi keekuom ni bụo ạsipioghom mọ ịdipho ọlophia. Ọkaraph ookuugh kapiemi ni bịdi.

⁷ Ọmoogh-we phọ aseleman ni kụ ạpomoghian ruukuan. Bụlo iloghi eseleman yogh kọmiin ni nyọdi.