Ạsuor 100 - Ạḍinya IigbiaẠḍuor oboomiom Ẹnaan 1 Ịmoor sụor eboomiom Ọmoogh-we phọ, oomo areelhe aḅirini phọ. 2 Iiseenyom Ọmoogh-we phọ rꞌọphalaḅaal ologhi. Ịpam sụor iboh erumom ghisigh ọdi. 3 Ilegheri mọ Ọmoogh-we phọ kụ Ẹnaan phọ ni. Ọdi kụ ụlhem bọ iyira. Yira awe ọdi, aḍita iyool-ịga dị ọdi rạngo ghan ịḅal. 4 Ịpam sụor ạḍiseph kụ eḍighom ọnhu-aḍibuo Otu Ịiḅereghi phọ ọdi. Iḍigh ologhi otu phọ ọdi rꞌạsuor iboh. Ịngo nyọdi ḍịseph kụ eboom ḍien phọ ọdi. 5 Ọmoogh-we phọ ạnighe ni. Ẹphomoghian phọ ọdi kẹtol li kꞌagee-pọ. Ọdi rábi ghan ruguan phọ ọdi, oghiil atum oghiil. |
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Nigeria Bible Translation Trust