2 Krọnikuls 22 - Ạḍinya Iigbia

Ahazaya ọdaam mọ aJuda

¹ Awe phọ aJeruselem ụma ni Ahazaya, ọkar ọbam ọony phọ ạJehoram, ọsighe esi ọde phọ ọdi ọda aJuda, ịdi eḍighi bọ aḍita awe Arebia, bụphe owum bọ ruphua phọ, mọze bọ oomo ạbueri phọ ạnmuny ạJehoram ọdaam mọ.

^2-3 Ahazaya aḍighi ọdaam mem dị ạman ịyaldi rꞌịyal ạsia kụ ọdi ạda sịphe Jeruselem ḍiniin ạlha. Ahazaya ạḅile kẹn ạdaph ẹkaraph eḍighinom ịyaar ọto kꞌọdaam Ehab, loor esi dị onhiin ọdi Atalaya — ọnyani oko Ọmri — ạngo bọ nyọdi oroma dị aḍighi ịdi ọdi ạpioman.

⁴ Ọdi ạpioman esi Ọmoogh-we phọ loor esi dị ịdipho ọde phọ ọdi amugh bọ bụnon awe ọto kꞌEhab uḍighi we oromoghiom ọdi, kụ bịdi kụ uḍighi bọ ịpe ọdi ameel bọ.

⁵ Ọdaphan oroma ạbidi, ọdi ạmoogh mụḅoph rꞌạJoram ọdaam mọ Ịzirel eenom ẹgham Hạzael ọdaam mọ ạSiria. Ekeeny rꞌelhiom awe ẹgham mọ uzuan ni sịphe Ramot Gịliad, kụ oḍighi ẹgha Jọram mem elephiri.

⁶ Ọdi arigheel ẹpe ẹmha phọ ạJezreel ookonoma ẹgha, kụ Ahazaya ạghi sịphe ophogh ọdi.

⁷ Ẹnaan ịsighe ni ẹghi ẹpe kụ eḍighi ịdi Ahazaya ameel. Mem dị Ahazaya ạrol ẹpe phọ, oye dị oghol mọ aJehu ọony aNimsi, dị Ọmoogh-we phọ arom mọ aphiemi oḍigh asiya phọ Ehab, anyaam Jọram rꞌọdi.

⁸ Ịdipho aJehu rapiemi bọ oḍigh asiya phọ, ọdaphan ịtooghi Ọmoogh-we phọ, ọdi aazuanan ni ḍita abuḍiemiom awe aJuda rꞌạnmuny abumor phọ Ahazaya dị ọdaph nyọdi sịphe ẹghi phọ, kụ ạzeeghi oomo ạbidi ạman.

⁹ Omiigh ọwa Ahazaya ekpisi lọ odi, kụ ọmiin dị ạaghian ẹpe Sameria. Bịdi ọsighe nyọdi ọghiom Jehu kụ oghiigh. Kụ ọlo uḍi ḍizu phọ esi ọlogh eghuan Jẹhosafat ọdaam mọ ọde-oko phọ ọdi, ọpo ạwa bọ okumu ghan Ọmoogh-we phọ rꞌoomo ologhi ọdi. Rꞌoniin ọlo eghunotu Ahazaya ósugha dị kạda ọmar phọ.

Atalaya ukueni-ạnir aJuda

¹⁰ Mem mem mọ Atalaya, onhiin phọ Ahazaya ọdaam mọ, ạnaghan bọ mọ ọony phọ ọno mamugh, ọdi ạto mọ ophiemi oomo ọophi arughunughun phọ ịpe rẹda ghan bọ Juda.

¹¹ Ahazaya ạmoogh umarani dị rꞌọdi ọḅoph ọde, Jeho Sabiat dị ạal oyil ạrikia dị oghol mọ ạJehoyada. Umarani phọ aḍighi lẹeph kụ ạsighe oniin ọony Ahazaya dị oghol mọ aJoas ạphel. Ọdi ạgbatan nyọdi sịphe ogbo ạnmuny bụphe bịdi rọwa bọ ịlo oghiigh ạsighe ạḍuanam kụ ạaghi nyọdi rꞌoobia ologhi osoph ẹmina sịphe Otu Ịiḅereghi phọ. Ịduon phọ, ọdi ạphel nyọdi ạsighe esi aḍuugh ḍịghaagh Atalaya.

¹² Esi odiiny ạsia dị Atalaya ạda, ọdi ạrol sịphe esi ịbooghian.