1 Krọnikuls 6 - Ạḍinya Iigbia

Eghunotu phọ ọmar bọ riil abiil phọ

¹ ALivai ạmoogh ịraar alephiri: Gerson, Kohat rꞌaMerari.

² AKohat ạmoogh inya alephiri: Ạmram, Izhar, Hẹbron rꞌỤziel.

³ Ạmram ạmoogh ịyal alephiri, Eeron rꞌaMozis, rꞌoniin ọnyani, Mịriam. Eeron ạmoogh inya alephiri: Nạdab, Abihu, Ẹliazar rꞌItamar.

⁴ Ạnmuny ạnmuny phọ Ẹliazar ẹḍua oghiil etum oghiil ịduon: ạFinehas, Abisua,

⁵ Buki, Uzi,

⁶ aZerahaya, Merayot,

⁷ Amaraya, Ahitub,

⁸ ạZedok, Ahimaaz,

⁹ Azaria, Johanan,

¹⁰ Azaria (ọpo ạrol bọ oḍighi sịphe Otu Ịiḅereghi phọ ạSolomon ạlogh bọ ẹpe Jeruselem),

¹¹ Amaraya, Ahitub,

¹² ạZedok, Salum,

¹³ Hịlkaya, Azaria,

¹⁴ aSeraya, ạJehozadak.

¹⁵ ẠNebukadnezar ọdaam eelhe phọ ạsighiogh ạḍuanam Jẹhozadak rꞌạbunon awe aJuda rꞌaJeruselem bụdi Ọmoogh-we phọ ạsighe ạghi iiruen ạramha.

Bụnon ạnmuny ạnmuny aLivai

¹⁶ ALivai ạmoogh ịraar alephiri: Gerson, Kohat rꞌaMerari.

¹⁷ Oye ye ạbidi ạmar kẹn ni ilephiri. AGerson kụ ọde aLibni rꞌaSimei;

¹⁸ aKohat kụ ọde Ạmram, Izhar, Hẹbron rꞌỤziel;

¹⁹ kụ aMerari kụ ọde aMahli rꞌaMusi.

²⁰ Bụen kụ ạnmuny ạnmuny aGerson ẹḍua oghiil etum oghiil: aLibni, aJahat, aZima,

²¹ Joa, Ido, Zera, Jiaterai.

²² Bụen kụ ạnmuny ạnmuny aKohat ẹḍua oghiil etum oghiil: Ạminadab, aKora, Asir,

²³ Elkana, Ebiasaf, Asir,

²⁴ aTahat, Ụriel, Uzaya, Saul.

²⁵ Elkana ạmar ịyal alephiri: Amasai rꞌAhimot.

²⁶ Bụen kụ ạnmuny ạnmuny Ahimot ẹḍua oghiil etum oghiil: Elkana, aZofai, aNahat,

²⁷ Eliab, aJeroham, Elkana.

²⁸ ẠSamuel ạmar ịyal alephiri: Joel, okumoor phọ, rꞌAbaija esoony phọ.

²⁹ Bụen kụ ạnmuny ạnmuny aMerari ẹḍua oghiil etum oghiil: Mahli, Libni, Simei, Uza,

³⁰ Sịmia, Hagaya, Asaya.

Ạroko-ạsuor Otu Ịiḅereghi phọ

³¹ Bụen kụ awe dị Devid ọdaam mọ ạmeremi ịlo ephegh esi ịiḅereghi sịphe Jeruselem mem dị mọsighe Igbe Ịyo phọ orumom ẹpe.

³² Bịdi uḍighi ghan ḍio ḍio sịphe Ogbogo Ạdol Ọmoogh-we phọ kụ egbi ọteeny amem mọ ạSolomon ạlogh bọ Otu Ịiḅereghi phọ.

³³ Ạḍikool awe eghunotu phọ dị ọpham ghan oḍighi phọ ọphon ịduon. Opolo aKohat: aHeman oḍiemiom ạḍiḅel aḍita ạbuo ạsuor phọ, ọony aJoel. Oḍigh asiya ọdi ẹghi ẹteeny Jẹkob ịduon: aHeman, aJoel, ạSamuel,

³⁴ Elkana, aJeroham, Eliel, aToa,

³⁵ aZuf, Elkana, Mahat, Amasai,

³⁶ Elkana, Joel, Azaria, ạZefanaya,

³⁷ aTahat, Asir, Ebiasaf, Kora,

³⁸ Izhar, aKohat, aLivai, ạJekob.

³⁹ Asaf kụ oḍiemiom aḍita ạbuo ạsuor phọ emuneniom bọ ịyal. Oḍigh asiya ọdi ẹghi ẹteeny Livai ịduon: Asaf, aBerekaya, ạSimia,

⁴⁰ ạMaikel, aBaaseya, aMalkaija,

⁴¹ Etni, Zera, Adaya,

⁴² Etan, Zima, aSimei,

⁴³ aJahat, aGerson, aLivai.

⁴⁴ Etan ọpo ọto phọ aMerari kụ oḍiemiom aḍita ạbuo ạsuor phọ emuneniom bọ ịraar. Oḍigh asiya ọdi ẹghi ẹteeny Livai ịduon: Etan, aKisi, Abdi, aMaluk,

⁴⁵ aHasabaya, Amazaya, ạHilkaya,

⁴⁶ Amzi, aBani, aSemer,

⁴⁷ aMahli, aMusi, aMerari, aLivai.

⁴⁸ Bụeri phọ ạbuo aLivai phọ useenaan ịnon iiḍighi sịphe esi ịiḅereghi phọ.

Ẹemara ẹemara Eeron

⁴⁹ Eeron rꞌạnmuny ạnmuny ọdi uḍighi ghan rạraar aghuḍum ịnsens kụ ọphinyon rịkia phọ ọsuughi ghan bọ sịphe enmeny ạrikia phọ. Bịdi kụ ụphamagh ịlo oomo ịiḅereghi sịphe Ẹphan phọ rꞌịlo ạrikia phọ ịpe Ẹnaan ẹtuan ghan bọ kụ ẹsar ẹwilenaan ịkaraph phọ Ịzirel. Bịdi uḍighi ghan oomo ịphen phọ ọdaphan oromoghiom mọ aMozis otelhedom mọ Ẹnaan ạngo bọ.

⁵⁰ Phọn kụ oḍigh ạnmuny ạnmuny phọ Eeron: Ẹliazar, ạFinehas, Abisua,

⁵¹ aBuki, Uzi, aZerahaya,

⁵² aMerayot, Amaraya, Ahitub,

⁵³ ạZedok, Ahimaaz.

Esi phọ ạbuo aLivai orugh bọ

⁵⁴ Ạḍien kụ ade phọ oseenaan bọ nmụny ạnmuny Eeron ọnyo ọto aKohat. Bịdi ụteeny mụḅel abin ade phọ oseenaan bọ bụo aLivai.

⁵⁵ Ẹphen phọ ẹḅaraghiom Hẹbron sịphe eelhe phọ aJuda rꞌarere ạroogho phọ ekoom bọ.

⁵⁶ Useenaan rere ạroogho phọ rꞌạramha phọ eḍighi bọ ịlo ẹmha phọ ọngo Kẹleb ọony phọ aJefune.

^57-59 Useenaan rạmha phọ ịphen ọngo nmụny ạnmuny Eeron: Hẹbron ẹmha ịbooghian, Jatir rꞌạramha phọ aLibna, Estemoa, Hilen, Debir, Asan rꞌạBet Semes rꞌarere ạroogho ạbidi.

⁶⁰ Sịphe eelhe phọ ạBenjamin, useenaan rạmha phọ ịphen rꞌarere ạroogho ạbidi: Geba, Alemet rꞌAnatot. Oomo phọ ịne iḍighi ḍioph rꞌịraar ạramha oseenaan bọ oomo arughunotu phọ ạbidi orugh.

⁶¹ Ḍioph ạramha ịsiphe eelhe phọ ạManase ạga phọ emeelom erumuḍio phọ, udi ẹdo kụ ọngooghiom ọto aKohat, eghunotu etum eghunotu.

⁶² Opolo phọ aGerson, eghunotu etum eghunotu, ụngooghi ḍioph rꞌịraar ạramha sịphe eelhe phọ Ịsaka, Ạser, Nạftalai rꞌạManase ạga phọ emitenom erumuḍio phọ sịphe Bạsan.

⁶³ Eniin phọ eḍighinom mọ, ḍioph rꞌịyal ạramha sịphe areelhe phọ aRuben, Gạd rꞌạZebiulon useenaan ọto phọ aMerari, eghunotu etum eghunotu.

⁶⁴ Ịduon phọ kụ ẹdi awe phọ Ịzirel oseenaan rạmha orugh ọngooghi bụo aLivai phọ rꞌarere ạroogho dị ekoom rạmha phọ.

⁶⁵ (Rạmha phọ edi bọ reelhe phọ aJuda, Sịmion rꞌạBenjamin ooghologh bọ sịen, udi kẹn ẹdo kụ ọngooghiom.)

⁶⁶ Iniin arughunotu ọto phọ aKohat useenaan rạmha rꞌarere ạroogho sịphe eelhe phọ Ifraim:

⁶⁷ Sẹkem, egbogh ẹmha ịbooghian sịphe ạraaḅaraph phọ Ifraim, Gezer,

⁶⁸ Jokmiam, Bẹt Horon,

⁶⁹ Aizalon rꞌạGat Rimon.

⁷⁰ Sịphe eelhe phọ ạManase ạga phọ emeelom erumuḍio phọ useenaan rạmha Aner rꞌaBiliam rꞌarere ạroogho phọ ekoom bọ.

⁷¹ Rughunotu ọto aGerson useenaan rạmha phọ ịphen rꞌarere ạroogho phọ ekoom bọ: Sịphe eelhe phọ ạManase ạga phọ emitenom erumuḍio phọ: Golan ẹpe Bạsan rꞌAstarot.

⁷² Sịphe eelhe phọ Ịsaka: Kedes, Daberat,

⁷³ Ramot rꞌAnem.

⁷⁴ Sịphe eelhe phọ Ạser: Mạsal, Abdon,

⁷⁵ Hụkok, rꞌaRehob.

⁷⁶ Sịphe eelhe phọ ạNaftalai: Kedes ẹpe Galili, Hamon rꞌaKiriataim.

⁷⁷ Ịpheri phọ arughunotu ọto phọ aMerari useenaan rạmha phọ ịphen rꞌarere ạroogho phọ ekoom bọ: Sịphe eelhe phọ ạZebiulon: Rimono rꞌaTabor.

⁷⁸ Sịphe eelhe phọ aRuben, ạga phọ emitenom erumuḍio phọ ḍịghaagh Ọphiiny ạJodan dị otenom Jeriko: Bezer ạnyu ịdaabili-ade phọ, Jaza.

⁷⁹ Kedemot rꞌaMefaat.

⁸⁰ Sịphe eelhe phọ ạGad: Ramot ẹpe Gịliad, Mahanaim,

⁸¹ Hesbon rꞌaJazer.