1 Krọnikuls 27 - Ạḍinya Iigbia

Ịlo ạbuo ẹgham rꞌịtooghi phọ

¹ Ịphen kụ asiḍien aruwo ẹmhu arughunotu phọ Ịzirel, abuḍiemiom aropolo phọ, rꞌạbuo iiḍighi phọ ạbidi dị ọpham ghan iiḍighi ọmar phọ. Tọrobo ụnwanyu ạlha phọ, kịro aḍita dị ọman ịyaldi rꞌinya ọonir awe, kụ ụrol ghan oḍighi eeḍian oye ịtooghi ụnwanyu phọ.

^2-15 Bụen kụ ạbuo ịtooghi tọrobo ụnwanyu: Ọḅel ụnwanyu: aJasobiam ọony phọ ạZabdiel (ọdi ọnyo ọto ạPerez, ạpakiri eghun phọ aJuda) Ọpo amuneniom bọ ịyal: aDodai, ọony ọony Ahohi (aMiklot kụ otum nyọdi ịtooghi) Ọpo amuneniom bọ ịraar: aBenaya ọony ạJehoyada oyil ạrikia phọ; ọdi kụ oḍiemiom “Ịraardi phọ” (Amizabad ọony ọdi ạsighe esi ọdi kụ aḍighi oḍiemiom aḍita phọ ạḍien) Ọpo amuneniom bọ inya: Ạsahel, umor aJoab (ạZebadaya ọony ọdi ạsighe esi phọ ọdi) Ọpo amuneniom bọ oogh: aSamut, ọony ọony Izhar Ọpo amuneniom bọ odiiny: Ira, ọony Ikes ọlo aTekoa Ọpo amuneniom bọ oḍual: aHelez, ọlo eghun Ifraim, ọlo aPelon Ọpo amuneniom bọ ọphaanya: aSibekai ọlo aHusa (ọdi ọnyo ọto aZera, ạpakiri eghun phọ aJuda) Ọpo amuneniom bọ esugha: Abiezer ọlo Anatot ẹpe ade eghun phọ ạBenjamin Ọpo amuneniom bọ ḍioph: aMaharai ọlo aNetofa (ọdi ọnyo ọto aZera) Ọpo amuneniom bọ ḍioph rꞌoniin: aBenaya ọlo aPiraton ẹpe ade eghun phọ Ifraim Ọpo amuneniom bọ ḍioph rꞌịyal: aHeldai ọlo aNetofa (ọdi ọony ọony Ọtniel)

Ẹphamam arughunughun phọ Ịzirel

^16-22 Ịphen kụ asiḍien awe phọ ạbuphe ọpham ghan bọ rughunughun phọ Ịzirel: Eghun Ọpo ạpham bọ Ruben Eliezer ọony aZikri Sịmion Sefataya ọony aMaaka Livai Hasabaya ọony ạKemuel Eeron Zẹdok Juda Elihu, oniin umor aDevid ọdaam mọ Ịsaka Ọmri ọony ạMaikel Zẹbiulon Ismaya ọony Obadaya Nạftalai Jeremot ọony Ạzriel Ifraim Hosia ọony Azazaya Mạnase ạga emeelom Joel ọony aPedaya Mạnase ạga emitenom Ido ọony ạZekaraya Bẹnjamin Jạasiel ọony Ạbner Dạn Ạzarel ọony aJeroham

Eghun Ọpo ạpham bọ

²³ ADevid ọdaam mọ ógbiom nmụny dị ụ́man ịyaldi ạsia, loor esi oguan Ọmoogh-we phọ mọ ọno kamuzeḍi we Ịzirel dị kọtomaam rạanaan okuaḍio phọ.

²⁴ AJoab, ọpo onhiin phọ ọdi oghol bọ mọ aZeruya, amiigh ogbi awe, kụ ọdi ọ́madan. Ịdipho Ẹnaan ẹlhiom bọ Ịzirel loor esi ogbi awe phọ, ekureriom ọnhu ịbal phọ ụ́ge ologhi ạrinya aDevid ọdaam mọ.

Awe dị ọphamaghan ghan ruphua ọdaam mọ

^25-31 Ịphen kụ asiḍien awe phọ ạbuphe ọphamaghan ghan bọ ruphua ọdaam mọ: Iisoph otu ọdaam mọ: Azmavet ọony Ạdiel Iisoph ạramha phọ etuman bọ: ạJonatan ọony Uzaya We iiḍighi ozo: Ezri ọony aKelub Iizo ireeny amiim: aSimei ọlo aRama Riisi arimiim: aZabdi ọlo aSefam Ireeny ọliv rꞌạsikamor phọ etuman bọ roogbolom ạga emeelom erumuḍio phọ: Baal Hanan ọlo aGeder Eekoom ạmunum-ọliv: aJoas Sịnam ẹyaghaghaany aSaron: aSirtai ọlo aSaron Sịnam ariḍiiny: aSafat ọony Adlai Sịkamel: Obil, ọnyo Ịsmaelait Ịnam adool: aJedaya ọlo aMeronot Iyool-ịga rꞌạrutu-ịga: aJaziz, ọnyo aHagrait

Ạbuo oromoghiom aDevid

³² ẠJonatan, umor ọde aDevid ọdaam mọ, aḍighi oye dị ạmaar oroma ghan oroma, ọnyo ịtuugha. Ọdi rꞌạJehiel ọony aHakmoni kụ ạbuo ịtughemi ạnmuny ọdaam mọ.

³³ Ahitofel kụ aromoghiom ghan ọdaam mọ, kụ aHusai ọnyo Ạrkait phọ kụ ọyaghiri ọdaam mọ rꞌoye aruupuruan.

³⁴ Ahitofel romugh, kụ Ạbayata rꞌạJehoyada ọony phọ aBenaya kụ ọḅile oḍighi we oromoghiom. AJoab kụ uwo ẹmhu aḍita ạbuo ẹgham ọdaam mọ.