1 Krọnikuls 2 - Ạḍinya Iigbia

Ẹemara ẹemara aJuda

¹ ẠJekob ạmoogh ḍioph rꞌịyal ạnmuny: Ruben, Sịmion, Livai, Juda, Ịsaka, Zẹbiulon,

² Dạn, Jọsef, Bẹnjamin, Nạftalai, Gạd rꞌẠser.

³ AJuda ạmar oogh alephiri bịn. Ọkuruḅaka ạnir ọdi Bạt Sụa ọnyo aKenan kụ ẹdi ọdi ạmoogh ịraar alephiri: Er, Onan rꞌaSela. Er, ọkpana phọ ọdi, eeph iboom kụ Ọmoogh-we phọ aghiigh ni nyọdi.

⁴ Ọkuruḅaka umarani ọdi Tạmar kụ ẹdi aJuda ạmoogh ịyal ạbunon alephiri, Pẹrez rꞌaZera.

⁵ ẠPerez ạmoogh ịyal alephiri, Hẹzron rꞌaHamul.

⁶ Umor ọdi Zera ạmoogh oogh alephiri: Zimri, Etan, Heman, Kalkol rꞌaDada.

⁷ Akan ọony aKami, oniin ọony ọony aZera, ạsighe ịiḅaghami aruom weye phọ Ịzirel loor ạraraar dị ọḅogh ọngo Ẹnaan kụ ọdi amian ạsighiogh.

⁸ Etan ạmoogh oniin ọony, Azaria.

Oghiil aDevid ọdaam mọ

⁹ ẠHezron ạmar ịraar alephiri: Jerameel, Rạm rꞌạKeleb.

¹⁰ Oghiil eghun phọ emiigh Rạm kụ esi Jẹsi ịduon: Rạm, Ạminadab, Nason (oniin ogbogh oye sịphe eghun phọ aJuda).

¹¹ Salmon, Bọaz,

¹² Obed rꞌạJesi.

¹³ ẠJesi ạmar oḍual alephiri. Ọdaph ikumoor bịdi umite ịduon: Eliab, Ạbinadab, Sama,

¹⁴ Nẹtanel, Radai,

¹⁵ Ozem rꞌaDevid.

¹⁶ Ọdi ạmoogh kẹn ni ịyal ạnmanyaan, Zeruya rꞌAbigel. Ọnyani ạJesi Zeruya ạmoogh ịraar alephiri: Abisai, Joab rꞌẠsahel.

¹⁷ Ọphori phọ ọnyani phọ ọdi Abigel ạal Jẹter oye dị ạḍua kꞌỊsmael, kụ bịdi ọmoogh olephiri dị oghol mọ Amasa.

Ẹemara ẹemara phọ ạHezron

¹⁸ ẠKeleb ọony phọ ạHezron aphin Azuba kụ ạmar ọnyani dị oghol mọ aJeriot. Ọdi ạmoogh ịraar alephiri: Jẹser, Sobab rꞌArdon.

¹⁹ Mem dị Azuba amugh, ạKeleb aphin Ẹfrat, kụ bịdi ọmoogh olephiri dị oghol mọ aHur.

²⁰ Ọony aHur ughol mọ aUri kụ ọony ọony ọdi ughol mọ ạBezalel.

²¹ Mem dị ạHezron ạman odiinydi ạsia, ọdi aphin ọnyani aMakir umarani ạGiliad. Bịdi ụmoogh mọony dị oghol mọ aSegub,

²² kụ aSegub ạmar mọony dị oghol mọ aJair. AJair ạda ịyaldi rꞌịraar igbogh ạramha eelhe phọ ạGiliad.

²³ Kụ eelhe phọ aGesur rꞌAram ọkpar opu odiinydi ạramha ẹpe, ọḅaram ịbam ạramha phọ aJair rꞌaKenat rꞌạramha dị etuman. Oomo awe dị ọrol ẹpe uḍighi nmụny ạnmuny aMakir ọde phọ ạGiliad.

²⁴ Mem dị ạHezron amugh, ọony phọ ọdi Kẹleb aphin Ẹfrat ekpukele ạnir ọde phọ ọdi. Bịdi ọmar olephiri dị oghol mọ Asihur, ọpo amitiom bọ ẹmha phọ aTekoa.

Ẹemara ẹemara phọ aJerameel

²⁵ AJerameel ọkpana ọony phọ ạHezron ạmar oogh alephiri: Rạm ọkpana ọony phọ, Buna, Oren, Ozem rꞌAhaija.

^26-27 ẠRam ạmar ịraar alephiri: Maaz, Jamin rꞌEker. AJerameel aphin ọnon ạnir, ạnir dị oghol mọ Atara, kụ bịdi ọmoogh mọony Onam.

²⁸ Onam ạmoogh ịyal ạnmuny, Samai rꞌaJada kụ aSamai kẹn ạmoogh ịyal ạnmuny Nạdab rꞌAbisur.

²⁹ Abisur aphin ạnir dị oghol mọ Abihel, kụ bịdi ọmoogh ịyal ạnmuny, Aban rꞌaMolid.

³⁰ ẠNadab umor phọ Abisur ạmar ịyal alephiri, Seled rꞌApaim, kụ aSeled amugh dị nmụny ụ́moogh.

³¹ Apaim kụ ọde Isi, Isi kụ ọde aSesan, kụ aSesan ọde Ahlai.

³² AJada umor phọ aSamai ạmar ịyal ạnmuny Jẹter rꞌạJonatan, kụ ạJeter amugh dị nmụny ụ́moogh.

³³ ẠJonatan ạmoogh ịyal ạnmuny, Pelet rꞌaZaza. Oomo phọ ạbuen ạnmuny ạnmuny aJerameel.

³⁴ ASesan olephiri ọ́moogh, ạmoogh nmạnyaan bịn. Ọdi ạmoogh ọony-otu ọlo Ijipt dị oghol mọ aJara,

³⁵ dị ọdi ạngo oniin ọnyani ọdi pineen. Ọdi ạmar oniin olephiri dị oghol mọ Atai.

³⁶ Oghiil eghun phọ emiigh Atai kụ esi Elisama ịduon: Atai, Netan, Zabad,

³⁷ Eflal, Obed,

³⁸ Jehu, Azaria,

³⁹ Helez, Eliasa,

⁴⁰ Sismai, Salum,

⁴¹ Jekamaya rꞌElisama.

Ạbunon ạnmuny ạnmuny ạKeleb

⁴² Ọkpana ọony phọ ạKeleb, umor phọ aJerameel, ughol mọ aMesa. AMesa kụ ọde ạZif, ọpo aḍighi bọ ọde aMaresa, ọpo aḍighi bọ ọde ạHebron.

⁴³ ẠHebron ạmar inya alephiri: Kora, Tapua, Rekem rꞌaSema.

⁴⁴ ASema kụ ọde aRaham rꞌọde ọde ọdi aJokiam. ARekem umor phọ aSema kụ ọde aSamai,

⁴⁵ ọpo aḍighi bọ ọde phọ aMaon, ọpo aḍighi bọ ọde phọ ạBet Zur.

⁴⁶ ẠKeleb ạmoogh ọyuga dị oghol mọ Efa kụ ọkuruḅaka ọdi kụ ẹdi ọdi ạmoogh bụnon ịraar alephiri: Hạran, Mọza rꞌaGazez. ẠHaran ạḅile ạmoogh olephiri dị oghol mọ aGazez.

⁴⁷ (Oye dị oghol mọ aJadai ạmar odiiny alephiri: Regem, Jotam, Gesan, Pelet, Efa rꞌaSaaf.)

⁴⁸ ẠKeleb ạmoogh ọnon ọyuga Maaka dị ạmaranaan nyọdi ịyal alephiri: Seber rꞌaTirhana.

⁴⁹ Amem ẹman mem kụ ọdi ạḅile ạmar kẹn ịyal alephiri: Saaf ọpo amitiom bọ ẹmha phọ aMadmana; rꞌạSeva ọpo amitiom bọ rạmha phọ aMakbena rꞌạGibia. ẠKeleb ạḅile ni ạmoogh ọnyani ạḅaram dị oghol mọ Aksa.

⁵⁰ Bụen kẹn ạnmuny ạnmuny ạKeleb: AHur kụ ọkpana ọony ạKeleb rꞌạnir ọdi Ẹfrat. ASobal, ọony phọ aHur, amitiom Kịriat Jiarim,

⁵¹ omuneniom ịyal ọony ọdi aSalma amitiom Bẹtilihem, kụ omuneniom ịraar olephiri Haref amitiom Bẹt Gader.

⁵² ASobal, ọpo amitiom bọ Kịriat Jiarim, kụ ọde ọde awe aHaroe, oolemi odi awe phọ aMenuhot,

⁵³ rꞌaropolo phọ ịphen ọrol bọ Kịriat Jiarim: awe Itrait, awe aPutait, awe aSumatait rꞌawe aMisrait. (Awe igbogh ạramha aZora rꞌEstol uḍighi bụo aropolo phọ ịphen.)

⁵⁴ ASalma, ọpo amitiom bọ Bẹtilihem, kụ aḍighi ọde ọde awe phọ aNetofa, Atrot Bẹt Joab, rꞌạbuo aZorait, ọpo aḍighi bọ oniin sịphe ịyal aropolo phọ ẹrol bọ Mạnahat.

⁵⁵ (Aropolo phọ ịphen, awe ẹmaar esi ọge rꞌoteneghi ẹnon esi, ụrol ẹmha phọ aJabez: awe aTiratait, awe aSimiatait, rꞌawe aSukatait. Bịdi awe aKenait dị ophinighan rꞌawe aRekabait.)