Yubu 42 - Acoli Baibul

Lubaŋa odwoko gum pa Yubu bote

¹ Yubu ogamo dog Rwot kun waco ni,

² “Aŋeyo ni itwero tiyo gin ducu; pe tye lok mo ma iyubo ma pe bicobbe kakare.

³ Ceŋ iwacci, ‘Meno aŋa ma mito umo tamma woko, kun loko laboŋo ŋeyo gin mo?’ Ada, doŋ awaco lok ma pe aniaŋ tere, aloko i kom gin me aura ma ŋeyogi loya woko.

⁴ Ceŋ iwacci, ‘Winy, ci abilok; abipenyi ci myero igam doga.’

⁵ Yam onoŋo awinyo piri awinya keken, ento kombeddi doŋ aneni ki waŋa,

⁶ Pi meno acane kekena, aŋut ma abuku koma woko ki apwa ki buru.”

⁷ Lacen ma Rwor doŋ oloko lok magi ducu bot Yubu, ‘ocako waco bot Erifaji Lateman ni meno, “Kiniga omaka i komi ki i kom luremi aryo-nu, pien pe wuloko lok me ada i koma, kit ma ceŋ laticca Yubu oloko-ni.

⁸ Kombeddi doŋ wukwany twoni abiro ki nyogi abiro, wucit kwede bot laticca Yubu, wutyer me gitum awaŋa piwu kenwu. Laticca Yubu bilego piwu, ci an abigamo legane, pe abiketo lewic i komwu muporo lokwu; pien pe wuloko lok me ada i koma kit macalo laticca Yubu oloko-ni.”

⁹ Kumeno Erifaji Lateman, Bildad Lacua ki Jopar Lanaamat gucito, gutiyo kit ma onoŋo Rwot ocikogi kwede; ci Rwot ogamo Lega pa Yubu.

¹⁰ Rwot odwoko gum pa Yubu, i kare ma en doŋ olego pi lureme; omiyo bote lim ma dodo maca ma yam en tye kwede ryen aryo.

¹¹ Kumeno omegine ki Iumegine ki jo ma guŋeyo wacon, gucamo cam bo te i ode. Gunyuto cwercwinygi bote, gukweyo cwinye pi gin marac ducu ma yam Rwot okelo i kome. Dano acel acel i kingi omiye dul lim ki agit jabu.

¹² Rwot omiyo gum ki Yubu i agikki me kwone makato i acakkine. En obedo ki romi alip apar wiye aŋwen, kinaga alip abicel, twoni pur alip aryo, ki megi kana alip acel.

¹³ Obedo bene ki awobe abiro ki anyira adek.

¹⁴ Ocako nyiŋ nyako mukwoŋone ni Yemima, nyiŋ me aryone Kejia, ki nyiŋ me adekke Kerenapuk.

¹⁵ I lobo meno ducu pe onoŋo tye iye mon ma yam gibeco calo anyira pa Yubu; wongi opoko botgi ginaleya i kin omegigi.

¹⁶ Lacen i ŋe lok meno ducu Yubu ori i lobo dok mwaka miya acel ki pyeraŋwen, ci oneno awobene ki litino pa awobene, yalwak me aŋwen kulu.

¹⁷ Ci Yubu oto muti adada, ma onoŋo karene bene doŋ oromo maber.