Yubu 41 - Acoli Baibul

¹ “Itwero ywayo Min Kulu ki goli? Itwero diyo lebe kun itweyo ki tol?

² Itwero rwako tol ogwil i ume, nyo tuco cwake ki goli?

³ En bibako doge boti? Bilok kwedi ki mwolo?

⁴ En bicikke kwedi wek ebed opiini matwal?

⁵ Ibituko kwede calo winyo? Ibitweyo tyene ki tol wek obed me galo waŋ anyirani?

⁶ Lumak rec wadiwu gibilaro wei me wilone? Lucat-wil bipoko woko i kingi me acata?

⁷ Ibicobo ki dim mabit ma romo kome ducu? Nyo ibicobo wiye ki atero mabit lacob rec?

⁸ Ka onoŋo yam igudo ki ciŋi, pe ibinwoyo; wii pe biwil i kit ma en olwenyo kwede kwedi.

⁹ “Ŋat ma tamo ni etwero timo gin mo noŋo bwolle abwola kene; tekke onene keken, ci bipoto woko piny.

¹⁰ Ka gituge, ger mukato kare; aŋa ma romo cun i nyime?

¹¹ Aŋa ma twero poto i kome, ci bwot? Pe tye ŋat mo i wi lo bo-ni ducu,

¹² “Wek koŋ atitti lok i kom tyen min kulu, ki tekone madwoŋ, ki kit ma dul kome ducu gikubogi kacel maber mada.

¹³ Aŋa ma twero woto ginarukane woko? Aŋa ma twero tuco kotine me mola?

¹⁴ Aŋa ma twero yabo doggola doge? Lake ma gurumo doge kelo lworo mada.

¹⁵ Dye ŋeye giumo ki kwodi ma giryeyogi i tyeŋ, oculle cokcok calo gimwono amwona.

¹⁶ Gukubbe cokcok kacel, yamo pe twero kate ki i kingi.

¹⁷ Guribbe kacel ŋat man omoko i kom lawote, ma gumoko woko likiŋ, gin pe twero poko kingi.

¹⁸ Ka ojiro, piine mil ma ryeny aryenya calo ceŋ waŋe kwar calo ceŋ ma tye ka tuc.

¹⁹ Leb mac macalo mac raa a ki i doge, mac kir katti woko ki i doge,

²⁰ Yito duny ki i ume calo pii ma tye ka walo i i agulu, nyo macalo togo ma tye ka waŋ.

²¹ Yamo doge miyo mac lyel, dok miyo bilo twako lodi mac mucek adada.

²² Ŋute tek twatwal, ŋat mo ka orwatte kwede ci bedo ki lworo madwoŋ,

²³ Dul kome ojuŋŋe kacel, ojiŋ woko matek, tek calo nyonyo ma pe wotte.

²⁴ Adunone tek calo got, tek calo min kidi rego.

²⁵ Ka otiŋŋe malo, oteka ducu gilworo; cwinygi doko nyap, tipo komgi to woko.

²⁶ Kadi dano toŋ ki pala lucwan, pe donyo, kadi toŋ, nyo atero kadi dim mabit,

²⁷ En waco ni-nyonyo obedo reŋ kai, mola kono mere rom ki yat mutop.

²⁸ Atero pe twero miyo en riŋo; ki tuŋ bote lagwen ma gibaye kwede lokke doko lum mutwo.

²⁹ Odoo kor en lwoŋo ni tyen gaya; ka gibaye ki toŋ nyero mere anyera.

³⁰ Tuŋ iye piny cal ki labaltako ma lake bit; ka woto goro daba madyak agora.

³¹ En miyo kut yenyo calo pii ma tye ka walo awala; nam yenyo bwoyo ma obedo calo bwoyo ma i i agulu pa lated moo wir.

³² Ka tye kia kwaŋ, kore ryeny woko matar, miyo kut kwor woko matar calo lwar wic,

³³ Pe tye gin mo ma rom kwede i wi lobo, en aye gin ma gicweyo ma pe tye ki lworo wacel.

³⁴ En cayo lee ducu, wa maditone, enrwot’ ‘pa lee ducu kadi bed giwakke.”