Yubu 3 - Acoli Baibul

Yubu okok ni kono pe ginywale

¹ Ka man otum Yubu oŋamo doge, olamo nino ma yam ginywale iye

² Yubu owacci,

³ “Wek nino ma yam ginywala iye orweny woko matwal, ki wor ma yam giloko iye ni, ‘Doŋ gigamo latin laco.’

⁴ Wek en nino ca obed macol! Lubaŋa ma tye malo pe oyeny, lenpiny mo pe omeny nino-nu.

⁵ Wek mutu ki piny ma ocido licuc aye ogam. Wek pol obed i wiye, cido piny me dyeceŋ bene omiye lworo.

⁶ Wor meno, wek piny ma ocido licuc omake, wek pe olim yomcwiny i kin nino me mwaka, pe obin i kin weI dwe.

⁷ Eyo, wek wor meno obed lalur, dwan daŋŋe me yomcwiny pe owinnye iye,

⁸ Wek jo ma gilamo nino gulam en, gin jo ma gitwero lwoŋo Min Kulu.

⁹ Wek lakalatwe me kwarpiny gudok col, okur lenpiny ento pe onoŋ, pe onen waŋ cen me odiko;

¹⁰ pien yam pe oloro doggola ma i i maa woko, kadi kano ayelayela ki i waŋa.

¹¹ “Piŋo pe ato i kare me nywala? Piŋo kwona pe otum cut ka aa ki i ic?

¹² Piŋŋ yam apoto i wi coŋ maa?’ Piŋo tunone ogama, wek adote?

¹³ Pienno do kono ceŋ abuto piny mot lilwe, kono anino, dok kono noŋo atye ka yweyo,

¹⁴ kacel ki luker ki luryeko me lobo, ma yam gugero odigi mabeco,

¹⁵ nyo ki rwodi ma yam gitye ki lonyo, ma gupoŋo odigi ki limo

¹⁶ Piŋo yam pe abedo macalo latin abwoga ma gikano, macalo latin ma pe oneno der cen?”

¹⁷ Ki kunnu jo maraco pe doŋ gikelo ayela, ki kunnu jo muol gitye ka yweyo.

¹⁸ Kunnu lumabuc gibedo mot kacel, ma pe doŋ giwinyo dwan ladit tic.

¹⁹ Jo matino ki ludito gitye kunnu, opii noŋo gigonyo woko ki i twer pa rwotgi.

²⁰ “Piŋo gimiyo lenpiny bot ŋat ma tye ki can, piŋo gimiyo kwo bot jo ma cwinygi kec?

²¹ Giparo pi to, ento to pe bino, gikwinyo ŋom pire makato pi lim mukanne.

²² Jo-nu cwinygi kwe atika, ci cwinygi bedo yom ka giyikogi i lyel.

²³ Piŋo gimiyo lenpiny bot dano ma yo orwenye, ma Lubaŋa orume ki cel?

²⁴ Pien aomo cwinya macalo acamo kwon, curra mol woko macalo pii.

²⁵ Pien gin maca ma alworo-ni bino i koma, kit giri ma poto cwinya oetimme i koma.

²⁶ Kwecwiny pe bota, kadi bedo mot; pe atye ki yweyo, ento aye