Yubu 25 - Acoli Baibul

Bildad okwero ni dano pe kite atir i nyim Lubaŋa

¹ Bildad Lacua ogamo ni meno,

² “Loc tye bot Lubaŋa, myero gilwor en; en miyo kucce nya malo i polo.

³ Mony pa Lubaŋa twero kwanne? Jo mene ma ceŋŋe pe menyogi?

⁴ Dano twero bedo ma kite atir niŋniŋ i nyim Lubaŋa? Ŋat ma dako onywalo twero bedo leŋ i ki te aŋo?

⁵ Nen, i waŋe dwe pe ryeny, lakalatwe bene pe gileŋ;

⁶ dano kono bedo niŋniŋ i nyime ma en kwidi mamwa-ni?”