Yubu 15 - Acoli Baibul

Erifaji dok ojuko Yubu

¹ Erifaji Lateman ogamo owaco ni meno,

² “Dano ma Laryeko gamo lok ki yamo noŋo, kun noŋo iye opoŋ ki yamo wokceŋ laboŋo ŋec mo?

³ En myero opyem ki lok ma pe konyo, nyo ki lok ma pe kelo gin mo maber?

⁴ Ento in igeno dano ni pe gulwor Lubaŋa, igenogi ni pe gubed ka lwodo lok i nyime.

⁵ Pien balli aye pwonyo dogi, iloko lok pa jo ma bwolo dano ki ryeko,

⁶ Dogi keni miyo kop loyi, pe an, dogi aye ma okelo lok i komi.

⁷ “In aye dano ma gicako nywalone ce? Meni onywali ma peya giketo godi?

⁸ Yam iwinyo yub me muŋ i cokke pa Lubaŋa? Imito ryeko ducu obed meri keni ce?

⁹ Gin aŋo ma in iŋeyo ma waŋ wakwiya? Iniaŋ i gin aŋo ma waŋ pe waŋeyo ducu-ni?

¹⁰ Dano muti ki dano ma wiye ki lwar gitye i kinwa, gin aye guri i wi lobo makato woru,

¹¹ Lok ma Lubaŋa okweyo ki cwinyi ki lok ma giloko kwede mot mupye, obedo gin mo manok ki tuŋ boti ce?

¹² Piŋo cwinyi oarre woko? Piŋo waŋi tur ki kiniga?

¹³ Piŋo iloko kinigani i kom Lubaŋa kun iweko lok macalo meno a ki i dogi?

¹⁴ Dano gin aŋo, ma miyo en twero bedo ma iye leŋ? ŋat ma dako onywalo en gin aŋo, ma miyo twero bedo laboŋo bal mo?

¹⁵ Nen, Lubaŋa pe geno wa jone maleŋ-gu, polo kulu pe leŋ ki i waŋe,

¹⁶ Ci dano kono, ma en keni mukwokki bibedo niŋniŋ i nyime, ma oloko bal odoko macalo pii me amatane-ni?

¹⁷ “Winy lokka, wek atitti, ci abinyutti gin ma doŋ aneno,

¹⁸ en aye lok ma yam luryeko gubedo ka titone, ki kwarogi bene yam pe gumuno lokke.

¹⁹ Lobowa ceŋ gimiyo botgi gin kengi, ci larok mo pe mubedo i kingi,

²⁰ Dano marac pwodde ki arem nino ducu me kwone, pi mwaka ducu ma gimiyo bot dano ma pe lakica.

²¹ En bedo ka winyo dwan ma kelo lworo; i kare me kuc layak bibino i kome,

²² En pe tye ki gen me dwogo woko ki i ka macol, pien gitye ka kiye ki pala lucwan me neke,

²³ En bedo ka mal ata pi yenyo kwon, kun waco ni, ‘Tye kwene?’ En ŋeyo ni i nyime tye iye to.

²⁴ Peko ki can gibedo ka ryaŋo kome; gibwoye woko macalo kabaka ma oyubbe pi mony.

²⁵ “Dano-nu oryeyo ciŋe kom Lubaŋa, obutte ni etwero lweny ki Won Twer Ducu,

²⁶ kun riŋo i kome macalo twon ki kwot molane ma kinoŋ.

²⁷ Waŋe obedo mununy, pyere oyarre malac.

²⁸ En obedo i gaij i mogo ma yam odoŋ noŋo, i odi ma dano pe myero gubed iye, ma giciko ni odoŋ obur.

²⁹ Pi meno en pe bibedo lalonyo, lonyone pe biri, pe bicuŋ matek macalo yat ma Lwite odonyo piny i ŋom;

³⁰ pe bibwot ki i colpiny. En bibedo rom ki yat ma mac oroyo pote woko ma pud olot alota, ki ma yamo otero ture woko.

³¹ Wek en pe ogen piny nono, kun bwolle kene, pien piny nono aye bibedo bakacic ma en bilimo.

³² En bibedo rom ki yat ma gilwero jaŋe ma karene peya oromo, ma pote pe doŋ lot.

³³ Bibedo rom ki olok ma nyige oo ma peya ocek, nyo yai jeituni ma ture oo woto.

³⁴ Lwak “jo ma pe gilworo Lubaŋa girom ki lulur; mac waŋo kema pa lugam lim me wil i muŋ;

³⁵ Giyaco aranyi ci ginywalo tim marac, gipiro lok goba ki i