Yubu 10 - Acoli Baibul

Yubu okok pi kit kwone

¹ “Adag doŋ kwona, pe abijuko kokona; abiloko lok ducu, pien cwinya doŋ odoko kec,

² Abiwaco bot Lubaŋa ni, pe iŋol ni kop oloya; titta gin mumi yo it ye ka pyem kweda,

³ Tika nen ber ki boti me una, ki me ca yo tic ma in doŋ itiyo, kun tammi rwatte ki tam pa jo maraco?

⁴ Waŋi rom ki waŋ dano? Ineno piny kit ma dano neno kwede?

⁵ WeI nino me kwoni rom ki pa dano? Ibiri pi mwaka manok calo dano,

⁶ mumi yo it ye ka roto bal i koma-ni, wek inen ka ma apoto iye?

⁷ Kono iŋeyo ni an pe abalo, dok ni pe tye dano mo ma twero lara ki i ciŋi.

⁸ In yam icweya ki ciŋi, ci koni doŋ ilokke, imito neka?

⁹ Po ni yam icweya ki lobo; dok ibidwoka i apwa aye?

¹⁰ Cen pe ionya woko macalo cak, ci imiyo adoko calo cak lukulu?

¹¹ In ceŋ iumo koma ki del ki ler riŋo, ci ikubo an kacel ki cogo ki Jer

¹² Imiyo bota kwo ki mar meri ma pe lokke ci iyelle pira, igwoko cwinya.

¹³ Ento onoŋo ikano lok macalo man i cwinyi; doŋ aniaŋ ni gin mutimme-ni onoŋo ityeko yubo con.

¹⁴ Ka apoto i bal, in ibedo ka kiya, ci pe iye weko balla mo wacel.

¹⁵ Ka at imo gin marac can obed i koma! Ento kadi balla pe, pe atwero tino waŋa malo, pien lewic omaka, canna obwoya woko,

¹⁶ Ka ce atiŋo wiya in itugi dwara cut, macalo labwor, ci itiyo tic me aura i koma,

¹⁷ In ibedo ka kelo cadenni manyen pi nyutc balla, kinigani medde ameda i koma, kun ikelo buca mony manyen ka lweny i koma,

¹⁸ “Piŋo iweko aa ki i i maa? Kono ceŋ aŋuko to ma peya waŋ dano onena, kono ber.

¹⁹ Kono ceŋ gitiŋa nia ki i ic gitera wa i lyel, wek abed macalo ŋat ma pe yam obedo kwo,

²⁰ Nino me kwona pe odoŋ manok keken? Wek abedi, wek abed ki yomcwiny manok,

²¹ ma peya acito ka ma pe doŋ abidwogo ki iye, i lobo me mutu ki piny macollicuc,

²² i lobo me colpiny munyobbe ata, ka ma dero ceŋ rom ki piny macol.”