Yocwa 12 - Acoli Baibul

Luker ma Moses oloyo ki lweny

¹ Magi aye nyiŋ luker ma i lobo-nu ma jo Icrael guloyogi ci gumako lobogi ma i loka Jordan yo tuŋ wokceŋ, gucamo odoko megi, cakke wa i kulu Amon o kwede wa i got Kermon, kacel ki Araba ducu ma yo tuŋ potoceŋ:

² en aye Cikon kabaka pa jo Amor ma yam bedo i Kecbon kun loyo kwede lobo cakke wa i Aroer ma tye i dog nota me kulu Amon, dok cakke ki i dye nota-nu o kwede i kulu Jabok ma waŋ lobo pa jo Ammon, en aye nucu lobo Gilead;

³ kacel ki Araba o wa i nam me Kinerot tuŋ wokceŋ ki tuŋ yo mukemo Bet-jecimot o wa i nam me Araba, ma en aye nam me Kado, cito kwede wa i pwor got Piciga.

⁴ Ka doki Og kabaka me Bacan, en aye ŋat acel ma yam odoŋ ki i kom jo Repaim, ma yam bedo i Acitarot ki i Edrei.

⁵ En yam loyo got Kermon ki Caleka ki Bacan o kwede wa i waŋ lobo pa jo Gecur ki jo Maaka, ki nucu lobo Gilead o wa i waŋ lobo pa Cikon kabaka me Kecbon.

⁶ Moses ma latic pa Rwot yam oloyogi kacel ki jo Icrael; ci Moses latic pa Rwot omiyo lobogi bot jo pa Reuben ki jo pa Gad ki nucu kaka pa Manace obed megi.

Luker ma Yocwa oloyogi

⁷ Magi aye luker ma i lobo-nu ma yam Yocwa ki jo Icrael guloyogi loka Jordan yo tuŋ potoceŋ, cakke ki i Baal-gad i nota me Lebanon o wa i got Kalak ka ma lobo otiŋŋe odok kwede yo tuŋ Ceir, Yocwa omiyo lobogi bot jo Icrael me bedo megi kun gipoko ma lubo kwir ma gibolo,

⁸ i lobo godi, ki i lobo ma i nota, i Araba, i lobo ma i pwor got, i tim, i Negeb ki i lobo pa jo Kit, jo Amor, jo Kanaan, jo Periji, jo Kiv ki jo Jebuc; nyiŋgi ene:

⁹ kabaka me Jeriko, kabaka me Ai ma tye i ŋet Betel;

¹⁰ kabaka me Jerucalem, kabaka me Kebron;

¹¹ kabaka me Jarmut, kabaka me Lakic;

¹² kabaka me Eglon, kabaka me Gejer;

¹³ kabaka me Debir, kabaka me Geder;

¹⁴ kabaka me Korma, kabaka me Arad;

¹⁵ kabaka me Libna, kabaka me Adulam;

¹⁶ kabaka me Makeda, kabaka me Betel;

¹⁷ kabaka me Tapua, kabaka me Keper;

¹⁸ kabaka me Apek, kabaka me Apek ma i Caron;

¹⁹ kabaka me Madon, kabaka me Kajor;

²⁰ kabaka me Cimronmeron, kabaka me Akicap;

²¹ kabaka, me Taanak, kabaka me Megido;

²² kabaka me Kedec, kabaka me Jokneam ma i Karmel;

²³ kabaka me Dor ma i Napat-dor, kabaka me Goyim ma i Galilaya;

²⁴ ki kabaka me Tirija; gin ducu guromo pyeradek wiye acel.