Ruth 1 - Acoli Baibul

Ruth ki Naomi

¹ I kare ma luŋolkop giloyo lobo-ni onoŋo kec tye i lobo, ci laco mo me Beterekem ma i Juda ocito i lobo Moab, obedo kunnu, en ki dakone ki awobegi aryo.

² Nyiŋ laco meno Elimelek, ki nyiŋ dakone Naomi; nyiŋ awobegi aryo-ni Malon ki Kilion. Yam gin jo Eprata; gaŋgi Beterekem ma i Juda. Gucito i lobo Moab, gubedo kunnu.

³ Ento Elimelek ma cwar Naomi oto woko, ci dako odoŋ ki awobene aryo-ni.

⁴ Gin gunyomo anyira Moab; nyiŋ acel gilwoŋo ni Orupa ki nyiŋ mukene Ruth. Gubedo kunnu kine ka mwaka apar;

⁵ lacen Malon ki Kilion guto woko, gin aryo ducu, mumiyo dako odoŋ kene laboŋo awobene aryo-nu ki laboŋo cware bene.

⁶ En ocako a woko ki i lobo Moab wek edok cen ki mon pa awo bene aryo ducu, pien onoŋo owinyo ki i lobo Moab ni Rwot doŋ otyeko limo jone, omiyogi cam.

⁷ Kit meno en oa woko ki i kabedo ma onoŋo gitye iye-ni ki mon pa awobene, gucako lubo yo ma dok i lobo Juda,

⁸ Ento Naomi owaco bot mon wote ni, “Wudok cen, ŋat acel icel odok gire i ot pa minne. Rwot otimwu maber, kit ma wun wutimo jona ma waŋgi orwenyo woko ki bota, kacel ki an bene,

⁹ Rwot omiwu wunoŋ ot, wek ŋat acel acel i kinwu obed gire i ot pa cware.” Onoto lemgi me cikogi, ci gucako kok matek.

¹⁰ Guwacce ni, “Pe kumeno; wan wabidok kwedi wa bot jowu.”

¹¹ Ento Naomi owacci, “Wudok cen, anyirana, wubicito kweda piŋo? Pud dok atye ki litino co i iya ma myero gudok cogwu?

¹² Wudok cen, lnyirana, citu giwu, pien an doŋ ati, pe aromo bedo ki cwara mo, Dok kono awacci, pud ageno ni atwero nywalo litino, kadi abed ki cwara mo i dyewor man, kadi anywalo awo be,

¹³ kono wun wuye kurogi nio ka gudoŋo mono? Wun kono wubikwero gero co? Pe kumeno, anyirana, pien toncwiny dwoŋ i cwinya mada piwu, pi kipwola ma Rwot omiyo opoto i koma-ni.”

¹⁴ Dok gucako kok matek ki dwangi maloŋo; lacen Orupa onoto lem daane ocike kwede, ento Ruth ocerre i kore matwal.

¹⁵ Naomi owacce ni, “Nen, nyeki otyeko dok cen bot lutugi ki bot lubaŋane; dok Cen i kor nyeki.”

¹⁶ Ento Ruth owacci, “Pe ibed ka lega ni aweki, nyo ni adok cen awek lubo kori; pien ka ma in icito iye, an bene abicito iye; ka ma ibuto iye, an bene abibuto iye; jo tuwu gibibedo jo tuwa bene, dok Lubaŋani bibedo Lubaŋana,

¹⁷ Ka ma ibito iye, an bene abito iye, gibiyika kunnu. Myero Rwot oket can i koma kit meno ki makato bene, ka to kikome aye bipoko an kwedi.”

¹⁸ Ka Naomi oneno ni en atyeko moko tamme me cito kwede, pe doŋ oloko gin mo.

¹⁹ Kit meno mon aryo-nu gucako wot nio ka guo wa i Beterekem, Ka guo i Beterekem, ci gaŋ ducu orubbe woko pigi. Ci mon gucako wacci, “Man en aye Naomi?”

²⁰ En owaco botgi ni. “Pe dok wulwoŋa ni, Naomi. Wulwoŋa ni Kipwola, pien Won Twer Ducu okelo kipwola i koma.

²¹ Yam acito ma abup, Rwot omiyo adwogo cen ma alam. Piŋo wulwoŋa ni Naomi ma Rwot ouna-ni, Woti Twer Ducu bketa i can mapek?”

²² Kit meno odwogo cen, ki Ruth ma ci-wode kacel kwede, ma con odwogo nia ki i lobo Moab. Guo i Beterekem i kare ma gicako kayo bel cayiri.