Buk me Aŋwen pa Moses ma Gilwoŋo Wel 7 - Acoli Baibul

Gityer ma yam gimiyo pi kwero keno tyer

¹ Ka Moses otyeko guro kema, owiro ki moo dok okwero kacel ki jamine ducu. Ka dok owiro keno tyer ki moo bene, okwero kacel ki jami ticce ducu.

² I kare meno lutel wi Icrael, ma gin ludito kaka ki i odi pa kwarogi, lutel wi kaka ma giloyo wi jo ma yam gikwano welgi-ni,

³ gutyero gityer megi, gukelo i nyim Rwot. Gumiyo gadigadi abicel ma gitye ki gin umo wigi, ki twoni apar wiye aryo; lutel wic aryo aryo gumiyo gadigadi acel acel, ci ŋat acel acel omiyo twon acel; gutyerogi ki i nyim kema.

⁴ Rwot dok owaco ki Moses ni,

⁵ “Gam jami-ni woko ducu ki botgi wek giti kwedgi tic ma i kema me rwatte, ci imigi bot Lulevi, macalo dog tic ma ŋat acel acel tye kwede.”

⁶ Omiyo Moses ogamo gadigadi ducu ki twoni, ci omiyogi bot Lulevi,

⁷ Gadigadi aryo ki twoni aŋwen omiyo bot likwayo pa Gercon, ma oporo dog ticgi;

⁸ ka dok gadigadi aŋwen ki twoni aboro omiyo bot likwayo pa Merari, ma oporo dog ticgi, kun gitye i te loc pa Itamar wod pa ajwaka Aron.

⁹ Ento pe omiyo gin mo bot likwayo pa Kokat, pien yam giketogi i dog tic me gwoko jami maleŋ ki me tinogi i wi gwokgi,

¹⁰ Ci lutel wic gutyero gityer me kwero keno tyer i kom nino meno ma giwiro iye ki moo-ni; lutel wic gutyero gityergi i nyim keno tyer.

¹¹ Rwot owaco bot Moses ni, “Gibityero gityergi kun latel wic acel acel tyero mere i ninone, pi kwero keno me tyer.”

¹² Ŋat ma otyero gityerre i nino mukwoŋo en aye Nakucon wod pa Aminadab, ma i kaka pa Juda.

¹³ En otyero caani me ryal acel ma pekke romo cekel miya acel ki pyeradek, ki becen me ryal acel ma pekke cekel pyerabiro, ka giporo ki cekel me kabedo maleŋ; gin aryo ducu igi opoŋ ki moko kwon mapwotte ma girubo ki moo pi gityer me moko kwon.

¹⁴ Ka doki atabo me jabu acel ma pekke cekel apar ma opoŋ ki odok eceta;

¹⁵ wod twon acel, nyok romo acel, ki wod romo acel me mwaka acel pi gitum awaŋa;

¹⁶ nyok dyel acel pi gitum me bal;

¹⁷ ka doki pi gityer lakwecwiny otyero twoni aryo, nyogi romi abic, nyogi dyegi abic, ki litino nyogi romi abic ma ditogi mwaka acel acel. Man aye gityer ma Nakucon wod pa Aminadab otyero.

¹⁸ I nino me aryone Netanel wod pa Juar, ma en aye latel wi jo pa Icakar otyero gityer.

¹⁹ Pi gityerre en otyero caani me ryal acel ma pekke romo cekel miya acel ki pyeradek, ki becen me ryal acel ma pekke cekel pyerabiro, ka giporo ki cekel me kabedo maleŋ; gin aryo ducu igi opoŋ ki moko kwon mapwotte ma girubo ki moo pi gityer me moko kwon.

²⁰ Ka doki atabo me jabu acel ma pekke cekel apar ma opoŋ ki odok eceta;

²¹ wod twon acel, nyok romo acel, ki wod romo acel me mwaka acel pi gitum awaŋa:

²² nyok dyel acel pi gitum me bal;

²³ ka doki pi gityer lakwecwiny otyero twoni aryo, nyogi romi abic, nyogi dyegi abic, ki litino nyogi romi abic ma ditogi mwaka acel acel, Man aye gityer ma Netanel wod pa Juar otyero.

²⁴ I nino me adekke obedo kare pa Eliab wod pa Kelon, ma en aye latel wi jo pa Jabulon.

²⁵ Pi gityerre en otyero caani me ryal acel ma pekke romo cekel miya acel ki pyeradek, ki becen me ryal acel ma pekke cekel pyerabiro, ka giporo ki cekel me kabedo maleŋ; gin aryo ducu igi opoŋ ki moko kwon mapwotte ma girubo ki moo pi gityer me moko kwon.

²⁶ Ka doki atabo me jabu acel ma pekke cekel apar ma opoŋ ki o dok eceta;

²⁷ wod twon acel, nyok romo acel, ki wod romo acel me mwaka acel pi gitum awaŋa;

²⁸ nyok dyel acel pi gitum me bal;

²⁹ ka doki pi gityer lakwecwiny otyero twoni aryo, nyogi romi abic, nyogi dyegi abic, ki litino nyogi romi abic ma ditogi mwaka acel acel. Man aye gityer ma Eliab wod pa Kelon otyero.

³⁰ I nino me aŋwenne obedo kare pa Elijur wod pa Cedeur, ma en aye latel wi jo pa Reuben.

³¹ Pi gityerre en otyero caani me ryal acel ma pekke romo cekel miya acel ki pyeradek, ki becen me ryal acel ma pekke cekel pyerabiro, ka giporo ki cekel me kabedo maleŋ; gin aryo ducu igi opoŋ ki mo ko kwon mapwotte ma girubo ki moo pi gityer me moko kwon.

³² Ka doki atabo me jabu acel ma pekke cekel apar ma opoŋ ki odok eceta;

³³ wod twon acel, nyok romo acel, ki wod romo acel me mwaka acel pi gitum awaŋa;

³⁴ nyok dyel acel pi gitum me bal;

³⁵ ka doki pi gityer lakwecwiny otyero twoni aryo, nyogi romi abic, nyogi dyegi abic, ki litino nyogi romi abic ma ditogi mwaka acel acel, Man aye gityer ma Elijur wod pa Cedeur otyero.

³⁶ I nino me abicce obedo kare pa Celumiel wod pa Juricadai, ma en aye latel wi jo pa Cimeon.

³⁷ Pi gityerre en otyero caani me ryal acel ma pekke romo cekel miya acel ki pyeradek, ki becen me ryal acel ma pekke cekel pyerabiro, ka giporo ki cekel me kabedo maleŋ; gin aryo ducu igi opoŋ ki moko kwon mapwotte ma girubo ki moo pi gityer me moko kwon.

³⁸ Ka doki atabo me jabu acel ma pekke cekel apar ma opoŋ ki odok eceta;

³⁹ wod twon acel, nyok romo acel, ki wod romo acel me mwaka acel pi gitum awaŋa;

⁴⁰ nyok dyel acel pi gitum me bal;

⁴¹ ka doki pi gityer lakwecwiny otyero twoni aryo, nyogi romi abic, nyogi dyegi abic, ki litino nyogi romi abic ma ditogi mwaka acel acel, Man aye gityer ma Celumiel wod pa Juricadai otyero.

⁴² I nino me abicelle obedo kare pa Eliacap wod pa Deuel, ma en aye latel wi jo pa Gad.

⁴³ Pi gityerre en otyero caani me ryal acel ma pekke romo cekel miya acel ki pyeradek, ki becen me ryal acel ma pekke cekel pyerabiro, ka giporo ki cekel me kabedo maleŋ; gin aryo ducu igi opoŋ ki moko kwon mapwotte ma girubo ki moo pi gityer me moko kwon.

⁴⁴ Ka doki atabo me jabu acel ma pekke cekel apar ma opoŋ ki odok eceta;

⁴⁵ wod twon acel, nyok romo acel, ki wod romo acel me mwaka acel pi gitum awaŋa:

⁴⁶ nyok dyel acel pi gitum me bal;

⁴⁷ ka doki pi gityer lakwecwiny otyero twoni aryo, nyogi romi abic, nyogi dyegi abic, ki litino nyogi romi abic ma ditogi mwaka acel acel, Man aye gityer ma Eliacap wod pa Deuel otyero.

⁴⁸ I nino me abirone obedo kare pa Elicama wod pa Amikud, ma en aye latel wi jo pa Epraim,

⁴⁹ Pi gityerre en otyero caani me ryal acel ma pekke romo cekel miya acel ki pyeradek, ki becen me ryal acel ma pekke cekel pyerabiro, ka giporo ki cekel me kabedo maleŋ; gin aryo ducu igi opoŋ ki moko kwon mapwotte ma girubo ki moo pi gityer me moko kwon,

⁵⁰ ka doki atabo me jabu acel ma pekke cekel apar ma opoŋ ki odok eceta;

⁵¹ wod twon acel, nyok romo acel, ki wod romo acel me mwaka acel pi gitum awaŋa;

⁵² nyok dyel acel pi gitum me bal;

⁵³ ka doki pi gityer lakwecwiny otyero twoni aryo, nyogi romi abic, nyogi dyegi abic, ki litino nyogi romi abic ma ditogi mwaka acel acel. Man aye gityer ma Elicama wod pa Amikud otyero.

⁵⁴ I nino me aborone obedo kare pa Gamaliel wod pa Pedajur, ma en aye latel wi jo pa Manace.

⁵⁵ Pi gityerre en otyero caani me ryal acel ma pekke romo cekel miya acel ki pyeradek, ki becen me ryal acel ma pekke cekel pyerabiro, ka giporo ki cekel me kabedo maleŋ; gin aryo ducu igi opoŋ ki moko kwon mapwotte ma girubo ki moo pi gityer me moko kwon.

⁵⁶ Ka doki atabo me jabu acel ma pekke cekel apar ma opoŋ ki odok eceta;

⁵⁷ wod twon acel, nyok romo acel, ki wod romo acel me mwaka acel pi gitum awaŋa;

⁵⁸ nyok dyel acel pi gitum me bal;

⁵⁹ ka doki pi gityer lakwecwiny otyero twoni aryo, nyogi romi abic, nyogi dyegi abic, ki litino nyogi romi abic ma ditogi mwaka acel acel. Man aye gityer ma Gamaliel wod pa Pedajur otyero.

⁶⁰ I nino me aboŋwenne obedo kare pa Abidan wod pa Gideoni, ma en aye latel wi jo pa Benjamin.

⁶¹ Pi gityerre en otyero caani me ryal acel ma pekke romo cekel miya acel ki pyeradek, ki becen me ryal acel ma pekke cekel pyerabiro, ka giporo ki cekel me kabedo maleŋ; gin aryo ducu igi opoŋ ki moko kwon mapwotte ma girubo ki moo pi gityer me moko kwon.

⁶² Ka doki atabo me jabu acel ma pekke cekel apar ma opoŋ ki odok eceta;

⁶³ wod twon acel, nyok romo acel ki wod romo acel me mwaka acel pi gitum awaŋa;

⁶⁴ nyok dyel acel pi gitum me bal;

⁶⁵ ka doki pi gityer lakwecwiny otyero twoni aryo, nyogi romi abic, nyogi dyegi abic, ki litino nyogi romi abic ma ditogi mwaka acel acel. Man aye gityer ma Abidan wod pa Gideoni otyero.

⁶⁶ I nino me aparre obedo kare pa Akiejer wod pa Amicadai, ma en aye latel wi jo pa Dan.

⁶⁷ Pi gityerre en otyero caani me ryal acel ma pekke romo cekel miya acel ki pyeradek, ki becen me ryal ma pekke cekel pyerabiro, ka giporo ki cekel me kabedo maleŋ; gin aryo ducu igi opoŋ ki moko kwon mapwotte ma girubo ki moo pi gityer me moko kwon.

⁶⁸ Ka doki atabo me jabu acel ma pekke cekel apar ma opoŋ ki odok eceta;

⁶⁹ wod twon acel, nyok romo acel, ki wod romo acel me mwaka acel pi gitum awaŋa;

⁷⁰ nyok dyel acel pi gitum me bal;

⁷¹ ka doki pi gityer lakwecwiny otyero twoni aryo, nyogi romi abic, nyogi dyegi abic, ki litino nyogi romi abic ma ditogi mwaka acel acel. Man aye gityer ma Akiejer wod pa Amicadai otyero.

⁷² I nino me apar wiye acel obedo kare pa Pagiel wod pa Okoran, ma en aye latel wi jo pa Acer.

⁷³ Pi gityerre en otyero caani me ryal acel ma pekke romo cekel miya acel ki pyeradek, ki becen me ryal ma pekke cekel pyerabiro, ka giporo ki cekel me kabedo maleŋ; gin aryo ducu igi opoŋ ki moko kwon mapwotte ma girubo ki moo pi gityer me moko kwon.

⁷⁴ Ka dok atabo me jabu acel ma pekke cekel apar ma opoŋ ki odok eceta;

⁷⁵ wod twon acel, nyok romo acel, ki wod romo acel me mwaka acel pi gitum awaŋa;

⁷⁶ nyok dyel acel pi gitum me bal;

⁷⁷ ka doki pi gityer lakwecwiny otyero twoni aryo, nyogi romi abic, nyogi dyegi abic, ki litino nyogi romi abic ma ditogi mwaka acel acel. Man aye gityer ma Pagiel wod pa Okoran otyero.

⁷⁸ I nino me apar wiye aryo obedo kare pa Akira wod pa Enan, ma en aye latel wi jo pa Naputali.

⁷⁹ Pi gityerre en otyero caani me ryal acel ma pekke romo cekel miya acel ki pyeradek, ki becen me ryal ma pekke cekel pyerabiro, ka giporo ki cekel me kabedo maleŋ; gin aryo ducu igi opoŋ ki moko kwon mapwotte ma girubo ki moo pi gityer me moko kwon.

⁸⁰ Ka dok atabo me jabu acel ma pekke cekel apar ma opoŋ ki odok eceta;

⁸¹ wod twon acel, nyok romo acel, ki wod romo acel me mwaka acel pi gitum awaŋa;

⁸² nyok dyel acel pi gitum me bal;

⁸³ ka doki pi gityer lakwecwiny otyero twoni aryo, nyogi romi abic, nyogi dyegi abic, ki litino nyogi romi abic ma ditogi mwaka acel acel. Man aye gityer ma Akira wod pa Enan otyero.

⁸⁴ Man aye obedo gityer me kwero keno tyer, ma gityero i kom nino ma giwiro iye ki moo, ma oa ki bot lutel wi Icrael: caani me ryal apar wiye aryo, becen me ryal apar wiye aryo, ki atabo me jabu apar wiye aiyo,

⁸⁵ kun caani me ryal acel acel pekke romo cekel miya acel ki pyeradek, ki becen acel acel pekke romo cekel pyerabiro, mumiyo ryal me jami-nu ducu pekke oromo cekel alip aryo, ki miya aŋwen ka giporo ki cekel me kabedo maleŋ,

⁸⁶ Atabo me jabu onoŋo tye apar wiye aryo, ma odok eceta opoŋo igi, kun atabo acel acel pekke romo cekel apar ka giporo ki cekel me kabedo maleŋ, mumiyo jabu me atabo ducu oromo cekel miya acel ki pyeraryo.

⁸⁷ Lim makwo ducu pi gitum awaŋa giromo twoni apar wiye aryo, nyogi romi apar wiye aryo, ki litino nyogi romi apar wiye aryo ma ditogi mwaka acel acel, kacel ki gityer me moko kwon mutikogi; ki nyogi dyegi apar wiye aryo pi gitum me bal.

⁸⁸ Lim makwo ducu pi gityer lakwecwiny giromo twoni pyeraryo wiye aŋwen, nyogi romi pyerabicel, nyogi dyegi pyerabicel, ki litino nyogi romi ma ditogi mwaka acel acel pyerabicel. Meno aye obedo gityer me kwero keno tyer, ma gityero ka doŋ gityeko wirone ki moo.

⁸⁹ I kare ma Moses ocito i kema me rwatte ka lok iye ki Rwot, owinyo dwan ma tye ka lok kwede-ni ka a ki malo i wi kom me kica ma i wi canduk lok me caden-ni, kun winnye ki i kin lukerubi aryo, ma kun loko kwede.