Buk me Aŋwen pa Moses ma Gilwoŋo Wel 24 - Acoli Baibul

Lok me adek ma Balaam owaco

¹ Balaam, onoŋo doŋ oniaŋ ni Rwot mito miyo gum kom jo Icrael, mumiyo pe dok ocito ka yenyo tyet kit ma onoŋo ocito i kare mukeneni, ento oloko waŋe oneno yo tuŋ tim.

² Ka Balaam otiŋo waŋe malo, ci oneno jo Icrael ma guguro kemagi kaka man pat, kaka man pat. Cwiny pa Lubaŋa obino i kome,

³ ci ocako lokke kun loko macalo lanebi. Owacci, “Man lok pa Balaam wod pa Beor, lok pa twon laco ma wane doŋ giyabo,

⁴ lok pa ŋat ma winyo gin ma Lubaŋa owaco, ki ma neno gin ma Won Twer Ducu nyuto bote, kun opoto piny ento waŋe bedo twolo,

⁵ Kemawu nen maber kuman, wun jo pa Yakobo, gonywu ber kuman, wuti jo Icrael!

⁶ Nen calo nota ma oryene mabor, macalo pott i ma gipuro i ŋet kulu; cal ki yadi ma ŋwece kur ma Rwot opito,’ nyo yadi cedar maobakke i ŋet pii.

⁷ Pii bipoŋ libic i agulugi kare ducu, likwayogi bibedo rom’ ki pii ma mol madwoŋ; kabakagi bibedo dit makato Agag, gibiketo deyo mamalo mada i kom kerre.

⁸ Lubaŋa ma kerone calo kero pa jubi okwanyogi woko ki i Ejipt. Icrael bicamo lurok ma lukworre, bituro cogogi, biŋido matinotino; bicelogi pil ki aterone.

⁹ Onyono piny, obuto calo labwor, macalo min labwor; aŋa ma bituge? Gum obed i kom jo-ducu ma bilamo gum i kom Icrael, cen opot i kom dano ducu ma bicene.”

¹⁰ Kiniga omako Balak matek i kom Balaam, Odoŋo ciŋe ci owaco bot Balaam ni, “Alwoiji ka ceno lumerokka, ci nen, ni doŋ ilego gum komgi odoko tyen adek kulu.

¹¹ Pi meno in doŋ iriŋ woko oyot idok doŋ gaŋ, Yam awacci abiketo deyo i komi ada, ento Rwot doŋ ogeni woko ki i limo deyo mo ki bota.”

¹² Balaam ogamo dog Balak, owacci, “Yam atito ki lukwenani’ ma yam icwalogi bota ni,

¹³ ‘Kadi bed Balak omiya-ryal ki jabu ducu ma i ode, pe atwero turo cik pa Rwot pi timo gin mo kadi ber kadi rac kit ma an aye amito; gin ma Rwot biwaco keken aye abiwaco.’ ”

Lok pa Balaam me agikkine

¹⁴ Lacen Balaam owaco bot Balak ni, “Kombeddi, nen, an doŋ abidok woko bot lutuwa. Bin wek koŋ ami iŋe gin ma jo me rok man bitimo i kom joni i kare ma tye anyim.”

¹⁵ Ci ocako lokke kiin loko macalo lanebi, Owacci, “Man lok pa Balaam wod pa Beor, lok pa twon laco ma waŋe doŋ giyabo,

¹⁶ lok pa ŋat ma winyo gin ma Lubaŋa owaco, ŋat ma tye ki ŋec mua ki but En Mamalo Twal, ma neno gin ma Won Twer Ducu nyuto bote, kun opoto piny ento waŋe bedo twolo:

¹⁷ Anene, ento pe kombeddi, anene, ento pe tye cok. Lakalatwe bibino kun a ki bot Yakobo, odoo ker bia ki i Icrael; bityero tur nyim jo Moab, bituro wi jo ducu ma gimaro woo me lweny.

¹⁸ En bimayo lobo pa jo Edom. Jo Ceir ma lukworre en bimayo lobo ki botgi, kun jo Icrael gitye ka lweny ki tek.

¹⁹ Jo pa Yakobo gibiloyo loc; jo mubwot i gaŋ pa jo Moab gibinekogi woko liweŋ.’

²⁰ Ka dok oneno tuŋ not jo Amalek, oloko macalo lanebi kun waco ni, “Jo Amalek yam gutelo wi rok mukene ducu, ento i agikki gibityekogi woko matwal.”

²¹ Dok oneno tuŋ bot jo Keni, oloko macalo lanebi kun waco ni, “Kabedowu biri nakanaka, ka-larrewu gigero i pata got;

²² ento wun jo Kain gibiyakowu, wubitum woko. Jo Aciria gibiterowu i opii pi kare ma rom mene?”

²³ Dok oloko macalo lanebi kun waco ni, “Magi dok jo mene do ma gucokke yo tuŋ acam?

²⁴ Lukwaŋ mel gibibino ma gua ki yo tuŋ Caiprac, gibiyelo jo Aciria ki jo Eber matek; gin bene gibinekogi gityekogi woko matwal.”

²⁵ Lacen Balaam oa malo odok cen ka ma en bedo iye; ki Balak bene ocito woko.