Buk me Aŋwen pa Moses ma Gilwoŋo Wel 13 - Acoli Baibul

Gicwalo lurot-piny apar wiye aryo i lobo Kanaan

¹ Rwot owaco bot Moses ni,

² “Cwal dano gucit gurot lobo Kanaan ma abimiyo bot jo Icrael. Cwal dano acel ki i kaka acel acel pa kwarogi, kun dano acel acel bedo latel wic i kingi.”

³ Moses ocwalogi ki i tim me Paran, kit macalo Rwot ociko; gin ducu onoŋo gin ludito i kin jo Icrael.

⁴ Nyiŋi ene; i kaka pa Reuben Camua wod pa Jakur;

⁵ i kaka pa Cimeon Capat wod pa Kori;

⁶ i kaka pa Juda Kaleb wod pa Jepune;

⁷ i kaka pa Icakar Igal wod pa Yucepu;

⁸ i kaka pa Epraim Kocea wod pa Nun;

⁹ i kaka pa Benjamin Palti wod pa Rapu;

¹⁰ i kaka pa Jabulon Gadiel wod pa Codi;

¹¹ i kaka pa Yucepu, en aye kaka pa Manace, Gadi wod pa Cuci;

¹² i kaka pa Dan Amiel wod pa Gemali;

¹³ i kaka pa Acer Cetur wod pa Mikael;

¹⁴ i kaka pa Naputali Nabi wod pa Vopci;

¹⁵ i kaka pa Gad Geuel wod pa Maki.

¹⁶ Meno aye nyiŋ jo ma Moses ocwalogi ka roto lobo. Moses ocako nyiŋ Kocea wod pa Nun ni Yocwa.

¹⁷ Moses ocwalogi ka roto lobo Kanaan kun waco botgi ni, “Wucit i Negeb kuca ca, wuit malo wa i lobo godi,”

¹⁸ wek wunen kit ma lobo-nu tye kwede, ka ce jo ma bedo iye jo matego nyo jo magoro, ka ce ginok nyo gipol,

¹⁹ ka ce lobo ma gibedo iye-ni ber nyo rac, ka ce gaŋi ma gibedo iye tye apero nyo girumo ki cel matego,

²⁰ ka ce lobone ceko cam nyo pe ceko, ka ce yadi tye i lo bone nyo pe. Wucam co ki i cwinywu, ci wudwog ki nyig yadi mogo mucek i lo bo kunnu.” Kare ma gin gucito onoŋo obedo kare ma nyig olok cako cek iye.

²¹ Kit meno gucito ka roto piny nia ki i tim Jin o wa i Rekob, ma cok ki yo ma donyo i Kamat.

²² Gucito nio wa i Negeb ka guo kwede i Kebron; ci Akiman, Cecai ki Talmai likwayo pa Anak onoŋo gitye kunnu, (Kebron onoŋo gigero ori mwaka abiro ma peya gigero Joan ma i Ejipt.)

²³ Lurot piny guo wa i nota me Ecikol, ci guŋolo jaŋ tuga nyig olok acel ma olugo, gutiŋo ki tal mabor kun jo aryo aye gulebo, dok gukelo ki nyig okwer pomegranat ki nyig oduru.

²⁴ Kabedo meno yam gilwoŋo ni nota me Ecikol, pien jo Icrael guŋolo iye jaŋ tuga nyig olok.

²⁵ I ŋe nino pyeraŋwen gudwogo ki ka roto piny ma i lobo-nu.

²⁶ Gudwogo bot Moses ki Aron ki lwak jo Icrael ducu ma i tim Paran, i Kadec; gukelo lok ki kunnu botgi ki bot lwak ducu, dok gunyuto botgi gin mucek i lo bo-nu.

²⁷ Gutito ki Moses ni, “Wacito i lobo ma icwalowa iye; lobone mol cak ki moo kic, man aye nyig yadine ma wakelo-ni.

²⁸ Kun kono jo ma gibedo i lobo-nu jo matego, gaŋgi bene gigoyo ki cel matego, dok gidito twatwal; medo ki meno, waneno iye likwayo pa Anak.

²⁹ Jo Amalek gibedo megi i lobo ma i Negeb; jo Kit, jo Jebuc ki jo Amor gibedo i lobo godi; jo Kanaan gibedo i lobo murabo dog nam, ki murabo dog Jordan.”

³⁰ Kaleb ojuko dano guliŋ woko i nyim Moses ci owacci, “Wan watugi cito kunnu magicel, wek wacamu woko; pien wan waromo loyogi.”

³¹ Ento dano ma yam gunywako kwede wot kunnu guwacci, “Wan pe waromo ette me cito i kom jo meno, pien gitego, gikatowa woko.”

³² Ci gukelo lok marac ma obalo cwiny jo Icrael woko i kom lobo ma guroto-ni, kun giwacci, “Lobo ma wawoto wabaro iye-ni, waroto ducu, lobone camo jo ma gibedo iye woko; dok jo ducu ma wanenogi iye kunnu jo ma komgi pek madito.

³³ Dok waneno twoni oluma kunnu, likwayo pa Anak ma kwarogi ducu twoni oluma. Wan giwa watino warom ki otwoŋo mamwa, dok myero wanen kumeno ki tun botgi.”