Nekemia 12 - Acoli Baibul

Ajwagi pa Lubaŋa ki Lulevi

¹ Magi aye ajwagi pa Lubaŋa ki Lulevi ma yam gua ki i opii ma gudwogo kacel ki Jerubabel wod pa Cealtiel ki Yecwa: Ceraya, Jeremia; Ejira,

² Amaria, Maluk, Katuc,

³ Cekania, Rekum, Meremot,

⁴ Iddo, Ginetoi, Abija,

⁵ Mijamin, Maadia, Bilga,

⁶ Cemaya, Joyarib, Jedaya,

⁷ Calu, Amok, Ilkia, Jedaya. Jo magi aye gubedo ludito pa ajwagi ki pa utmegigi i kare pa Yecwa.

⁸ Jo magi aye Lulevi: Yecwa, Binui, Kadmiel, Cerebia, Juda, ki Matania, ma en ki utmegine obedo ŋat acel ma loyo lok i kom wer me lega me pwoc ma giwero bot Lubaŋa.

⁹ Bakbukia, ki Uno ma utmegigi bene gicuŋ tuŋcel ma gikemme kwedgi i kare me ‘Lega,

¹⁰ Yecwa onywalo Joyakim, Joyakim onywalo Eliacib, Eliacib onywalo Joyada,

¹¹ Joyada onywalo Yonacan; ki Yonacan onywalo Jadua.

Ludito ma giloyo doggola pa ajwagi

¹² I kare ma Joyakim obedo ajwaka madit, ajwagi magi aye onoŋo gin ludito ma loyo doggola pa kwarogi: i kaka pa Ceraya, Meraya, i kaka pa Jeremia, Anania;

¹³ i kaka pa Ejira, Meculam, i kaka pa Amaria, Yekokanan;

¹⁴ i kaka pa Maluki, Yonacan; i kaka pa Cebania, Yucepu;

¹⁵ i kaka pa Karim, Adna; i kaka pa Merayot, Kelkai;

¹⁶ i kaka pa Iddo, Jekaria; i kaka pa Gineton, Meculam;

¹⁷ i kaka pa Abija, Jikri; i kaka pa Miniamin, i kaka pa Moadia, Peletai;

¹⁸ i kaka pa Bilga, Camua; i kaka pa Cemaya, Yekonatan;

¹⁹ i kaka pa Joyarib, Matenai; i kaka pa Jedaya, Uji;

²⁰ i kaka pa Calai, Kalai; i kaka pa Amok, Eber;

²¹ i kaka pa Ilkia, Kacabia; i kaka pa Jedaya, Netanel.

Ludito ma giloyo doggola pa Lulevi

²² Gicoyo nyiŋ ludito ma giloyo jo me doggola pa kwaro pa Lulevi woko ducu kikore, i kare me kwo pa Eliacib, Joyada, Yokanari, ki Jadua. Dok bene gicoyo nyiŋ ajwagi ducu nio wa i kare me loc pa kabaka Dario me Percia.

²³ Likwayo pa Levi ma giloyo doggola pa, kwarogi gicoyo nyiijgi woko i buk me Tekwaro nio wa i kare pa Yokanan wod pa Eliacib.

Poko tic ma myero giti i ot pa Lubaŋa kikore

²⁴ Lulevi onoŋo giribogi woko gubedo i dul mapatpat ma lulocgi i dog tic obedo Kacabia, Cerebia, ki Yecwa wod pa Kadmiel. Dul aryo gipako Lubaŋa ki wer lawaŋacel kun giloco wer aloca, ma gimiyo pwoc bot Lubaŋa, kun gilubo cik ma kabaka Daudi ma en dano pa Lubaŋa yam ociko,

²⁵ Jo magi aye gubedo lugwok-doggola me ot: pa Lubaŋa, dok bene onoŋo gikuro ot kano jami ki i doggola me ot pa Lubaŋa: Matania, Bakbukia, Obadia, Meculam, Talmon, ki Akub.

²⁶ Jo magi gubedo i kare pa Joyakim, wod pa Yecwa ma en wod pa Yekojadak, ki i kare pa Nekemia ma obedo laloc, ki i kare pa Ejira ma en obedo ajwaka dok bene obedo lapwony-cik pa Lubaŋa,

Kwero cel me gaŋ ma giyubo

²⁷ I kare me kwero cel me Jerucalem, gikelo Lulevi ducu ki i kabedo ducu ma yam gibedo iye, wek dano acel acel okwer nino man ki yomcwiny, ki wer me miyo pwoc, kacel ki wer ma gigoyo ki atego agoya-gu, ki naŋa ki opuk-gu,

²⁸ Jo me doggola pa luwer gua ki i kabedo ducu murumo Jerucalem, ki i gaŋi ducu pa jo Netopa;

²⁹ ki jo mukene gua ki i Bet-gilgal ki i lobo murumo Geba ki Ajimavet, ka ma onoŋo yam doŋ gugero iye pacogi murumo Jerucalem.

³⁰ Ajwagi kacel ki Lulevi gulonnye kekengi; ka dok gulonyo lwak ki dogcel ducu ki cel me gaŋ bene,

³¹ An akelo rwodi me Juda aketo gucuŋ malo i wi cel me gaŋ, ka acako ketogi i dul madito aryo guwoto gurumo gaŋ, kun giwero wer me miyo pwoc bot Lubaŋa. Jo ma i buca acel guwoto ki i wi cel me gaŋ nio kwede wa i dogcel ma cito wi odur;

³² ki Kocaya owoto kun lubo ŋegi, ka dok nucu pa rwodi me Juda gulube.

³³ Ajwagi magi ma gubedo ka kuto tum aye dok gulubo: Ajaria, Ejira, Meculam,

³⁴ Juda, Benjamin, Cemaya, ki Jeremia,

³⁵ Ka dok ajwagi ma gubino gulubogi ma gubedo ka kuto tum obedo Jekaria wod pa Yonacan, ma wod pa Cemaya, ma wod pa Matania, ma wod pa Mikaya, ma wod pa Jakur, ma wod pa Acap,

³⁶ kacel ki jo magi ma gin jo me kaka ne ma gulube: Cemaya, Ajarel, Milalai, Gilalai, Maai, Netanel, Juda ki Kanani; gubino ma gumako jami me wer pa Daudi ma en dano pa Lubaŋa. Ejira ma en lapwony-cik pa Lubaŋa owoto mere anyim obedo ka telo wigi,

³⁷ Ka guo i Dogcel me Waŋ It guwoto atir guito i kom rwom ma cito i gaŋ kai pa Daudi, ci gukato ot kai pa Daudi woko guwok ki malo, ka gudok cen i kom cel ma cok ki Dogcel me Pii ma tye yo tuŋ wokceŋ me Jerucalem.

³⁸ Jo ma i dul mu kene ma gubedo ka miyo pwoc bot Lubaŋa guwoto gudok yo tuŋ lacam, ka doŋ an, kacel ki nucu pa lwak wacako lubogi. Wawoto ki i wi cel ma malo i nyim Lubele me Keno, wao kwede i kom cel malac,

³⁹ ki kunnu wawoto wakato ki i wi dogcel pa Epraim wawok ki i dog gaŋ macon, ka wao kwede i Dogcel me Rec, ka wawok ki i ŋet Lubele ma gilwoŋo Kananel ki i ŋet Lubele ma gilwoŋo Miya, ka wacito wao kwede wa i Dogcel me Romo; ka doŋ wabino wagiko wotwa cok ki dogcel pa lukurpiny,

⁴⁰ Kit meno lwak ducu ma gitye i dul aryo-ni ma gubedo ka miyo pwoc bot Lubaŋa guo i kabedo ka ma ot pa Lubaŋa tye iye, an kacel ki nucu ludito pa lwak onoŋo watye kacel.

⁴¹ Ajwagi magi onoŋo gitye i dul ma mera: Eliakim, Maaceya, Miniamin, Mikaya, Elioenai, Jekaria ki Anania, ma gumako tum;

⁴² ki Maaceya, Cemaya, Eleajar, Uji, Yekokanan, Malkija, Elam ki Ejer, Luwer guwero wer ki dwangi maloŋo adada ma Jejrakia aye obedo ka telogi ki wer.

⁴³ I nino meno gityero gitum mapol, dok lwak bene gubedo ki yomcwiny madwoŋ, pien Lubaŋa omiyo cwinygi obedo yom twatwal. Mon kacel ki litino bene cwinygi obedo yom matek i kare meno me kwero cel me gaŋ. Mumiyo woo me yomcwiny ma jo gubedo ka daŋŋe kwede i Jerucalem owinnye wa i kabedo ma tye ka mabor.

Jami ma gimiyo pi ajwagi ki Lulevi

⁴⁴ I kom nino meno giyero jo ma giloyo kicika odi me kano jami, ka ma gigwoko iye jami ma gimiyo me kony pi ot pa Lubaŋa, kal manyen ki nyig yat mukwoŋo cek i mwaka acel acel, kacel ki dul acel me apar, me keto i igi jami ducu kit macalo cik mito pi konyo ajwagi ki Lulevi, kun lubo kit wei potti ma i gaŋi matino. Jo Juda cwinygi obedo yom twatwal i kom ajwagi ki Lulevi ma gubedo ka tic.

⁴⁵ Gin gutiyo gin ma Lubaŋagi ocikogi, dok bene gutiyo tic me lonyo dano, kit macalo yam luwer ki lugwok-doggola gutimo, kit macalo con Daudi ki wode Solomon guciko,

⁴⁶ I kare pa Daudi ki Acap ma onoŋo ladit me wer, luwer onoŋo giwero wer me pak ki me miyo pwoc bot Lubaŋa.

⁴⁷ I kare pa Jerubabel ki i kare pa Nekemia jo Icrael ducu gubedo ka miyo jami macalo mot nino ducu pi konyo luwer me ot pa Lubaŋa, ki pi lugwok ot pa Lubaŋa. Lwak gumiyo gityer maleŋ bot Lulevi, ki Lulevi Pene gumiyo dul ma mitte bot ajwagi ma gin likwayo pa Aron.